Пра гэта паведамілі ў аддзяленні інфармацыі і грамадскіх сувязей УУС Магілёўскага аблвыканкама.
Сёння прыкладна ў 15.50 у раёне будынкаў білетных кас і залы чакання чыгуначнага вакзала «Магілёў 1» была знойдзеная падазроная безгаспадарная кардонная скрынка памерам 30 на 40 см.
Супрацоўнікі АУС адразу прынялі меры па ахове месца здарэння і эвакуацыі людзей. Усяго былі эвакуіраваны каля 100 чалавек. На месцы працавалі спецыяльныя службы і сапёрна-піратэхнічная група.
Як высветлілася, змесціва скрынкі не ўяўляе небяспекі. У ёй знайшлі 5-літровую палімерную бутэльку з пітной вадой, бутэльку з-пад віна (0,7 л) з вадкасцю і поліэтыленавы пакет з прадуктамі.
На руху цягнікоў сітуацыя не адбілася. Вакзал працуе ў звычайным рэжыме. АУС праводзіць праверку.
