15.12.2007 / 22:42

Цана газу ў першым квартале складзе 119 даляраў 2

Аглядальнікі зьвязваюць такую цану з вынікамі перамоваў Пуціна з Лукашэнкам. Выказваецца думка, што была дасягнутая негалосная дамоўленасьць і што ўзамен Расея чакае ад Беларусі перадачы пад расейскі кантроль новай порцыі прыбытковых беларускіх прадпрыемстваў.

У першым квартале 2008 году цана расейскага газу для Беларусі складзе 119 даляраў за тысячу кубамэтраў.

Пра гэта паведаміла інфармацыйнае агенцтва «РІА Новості» са спасылкай на крыніцу ў “Газпроме”.

Паводле неназванага прадстаўніка «Газпрому», насамрэч захоўваецца льготны рэжым паставак энэрганосьбітаў у Беларусь, паколькі сама Расея будзе вымушаная ў першай палове 2008 году набываць туркменскі газ па цане 130 даляраў за тысячу кубамэтраў (уласна расейскага газу не стае для выкананьня заключаных кантрактаў). Цана газу для Беларусі застаецца самай нізкай сярод краінаў СНД.

Аглядальнікі зьвязваюць такую цану з вынікамі перамоваў Пуціна з Лукашэнкам. Выказваецца думка, што была дасягнутая негалосная дамоўленасьць і што ўзамен Расея чакае ад Беларусі перадачы пад расейскі кантроль новай порцыі прыбытковых беларускіх прадпрыемстваў.

буг; інф. РІА «Новості»

0
klv / Адказаць
16.12.2007 / 17:53
За такую цану можна было патрабаваць вызваленне палітвязняў. Але гэта ў выпадку, калі б Расея была б сапраўды дэмакратычнай краінай.
0
wint / Адказаць
17.12.2007 / 14:32
Тады i Лукашэнка мог патрабаваць, каб Пуцен вызвалiў сваiх.  А калi сур’езна, то вiдаць Лукашэнка выгандляваў зьнiжку на газ да канца ацяпляльнага сэзону. Таму i казалi толькi аб коштах на газ на першы квартал. Адчуваецца, што дамовiцца з Расеяй нi аб чым не атрымалася, таму i дзяржаўныя каналы амаль не згадвалi пра прыезд Пуцена. Так незаўважна Расея ператвараецца для ўспрыманьня Беларусяй (як i для большасьцi iньшых краiн) выключна ў крынiцу таннай сыравiны i вялiзны рынак сбыту. Лiрыка з Саюзнай Дзяржавай I братэрстам адыходзiць убок.
Каб пакінуць каментар, калі ласка, актывуйце JavaScript у наладах свайго браўзеру