28.10.2014 / 20:02

За дэманстрацыю ў грамадскім месцы палавых органаў жыхар Баранавічаў атрымаў 2,5 гады 3

За наўмысныя дзеянні, якія вызначаюцца па сваім змесце выключным цынізмам, і ўчыненне крадзяжу асуджаны 41-гадовы непрацуючы жыхар Брэста. 

Як паведаміў старшы пракурор аддзела пракуратуры Брэсцкай вобласці Генадзь Буры, 10 жніўня каля 21.00 у Брэсце недалёка ад Гузнянскага моста па праспекце Рэспублікі, мужчына, які знаходзіўся ў стане алкагольнага ап'янення, спрабаваў пазнаёміцца з дзвюма жанчынамі, якія адпачывалі на беразе ракі. 

Пасля таго як яны адмовіліся размаўляць з незнаёмцам, той прадэманстраваў ім свае палавыя органы. Адна з жанчын звярнулася ў міліцыю, і мужчыну затрымалі. 

Затым было ўстаноўлена, што гэты ж грамадзянін 6 сакавіка ў Брэсце ўкраў у свайго знаёмага, у якога быў у гасцях, мабільны тэлефон «Самсунг» коштам 320 тыс. рублёў. У гэты ж дзень збыў яго і на ўтаргаваныя грошы купіў сабе спіртное. 

13 кастрычніка суд Маскоўскага раёна Брэста прызнаў 41-гадовага мужчыну вінаватым паводле ч. 1 арт. 339 КК, ч. 2 арт. 205 КК і прызначыў пакаранне ў выглядзе двух гадоў і шасці месяцаў пазбаўлення волі ў калоніі строга рэжыму. Паводле прыгавору суда выкрадзены ім мабільны тэлефон вернуты пацярпеламу. 

«У судовым пасяджэнні абвінавачваны заяўляў, што яму сорамна за свае паводзіны, і прасіў прабачэння ў жанчын. Сцвярджаў, што раззлаваўся на іх адмову мець з ім зносіны. Пры гэтым апраўдваў свае ўчынкі ўздзеяннем выпітага алкаголю», — расказаў Буры. 

Прыгавор яшчэ не набыў законную моц і можа быць абскарджаны. 

Раней мужчына быў восем разоў судзімы за крадзяжы.

0
Равяка Руслан / Адказаць
28.10.2014 / 23:09
А чаму жыхар Баранавічаў? Калі ў тэксце - Брэста? Не клевяшчыце на наш горад!
0
Няхлюй / Адказаць
29.10.2014 / 00:47
"Ўтаргаваныя" - хто там маладзец: гуглтранслэйт або белазар?
0
Мальчык / Адказаць
29.10.2014 / 10:03
Страшнае злачынства, кавалкі жанчынаў раскідала на сотні метраў, начальнік каманды аператыўнікаў, што збіралі іх, сказаў, што з такой нечалавечай жорсткасцю сутыкнуўся ўпершыню. Двум аператыўнікам зрабілася млосна. У хатах найбліжэйшай вёскі павыбівала вокны і пазабівала хатнюю птушку. Трэба было вышку даць гаду.
Каб пакінуць каментар, калі ласка, актывуйце JavaScript у наладах свайго браўзеру