28.10.2014 / 22:44

Не хакеем адзіным: Аляксандр і Віктар Лукашэнкі правялі сустрэчу з наследным прынцам Абу-Дабі 6

president.gov.by

Беларусь надае важнае значэнне развіццю супрацоўніцтва з Аб'яднанымі Арабскімі Эміратамі і бачыць істотны патэнцыял для яго нарошчвання.

Аб гэтым ішла размова на сустрэчы 28 кастрычніка Аляксандра Лукашэнкі з наследным прынцам эмірата Абу-Дабі, намеснікам Вярхоўнага галоўнакамандуючага Узброенымі сіламі ААЭ шэйхам Мухамедам бен Заідам аль-Нахаянам.

У час сустрэчы, якая доўжылася больш як дзве гадзіны, былі абмеркаваны як бягучыя праекты, так і акрэслены задачы на бліжэйшую перспектыву.

Аляксандр Лукашэнка і шэйх Мухамед бен Заід аль-Нахаян далі даручэнні вызначыць 3-4 ключавыя праекты, рэалізацыя якіх дала б магчымасць вывесці адносіны паміж дзвюма краінамі на якасна новы ўзровень.

Бакі з задавальненнем адзначылі станоўчыя вынікі другога пасяджэння сумеснага камітэта па супрацоўніцтве паміж урадам Беларусі і ўрадам ААЭ.

ААЭ — асноўны гандлёвы партнёр Беларусі сярод арабскіх дзяржаў Персідскага заліва. Асноўнымі артыкуламі беларускага экспарту ў ААЭ з'яўляюцца часткі для аўтамабіляў і трактароў, тытунёвыя вырабы, сінтэтычныя валокны, рухавікі і сілавыя ўстаноўкі, калійныя ўгнаенні, падшыпнікі, прычэпы і паўпрычэпы. Па стане на 2013 год у Беларусі было зарэгістравана 14 арганізацый з удзелам эмірацкага капіталу і прыцягнута інвестыцый з ААЭ на суму $54 млн.

Беларусь і ААЭ вызначае высокі ўзровень палітычнага ўзаемадзеяння. Пазіцыі дзвюх краін супадаюць па ключавых пытаннях міжнароднага парадку дня, якія разглядаюцца ў ААН.

0
Серж / Адказаць
28.10.2014 / 22:54
"куски земли" в "центре европы", как обычно, предлагал купить?
0
ЯНКА / Адказаць
28.10.2014 / 22:59
. Неяк вельмі сьціпла жыве прынц. .
0
Гуталін / Адказаць
29.10.2014 / 02:51
Уяўляецца, як Віця гаворыць: "А знаіш, Мухамедзік, между намі, наследнымі прынцамі..."
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру