1 лістапада максімальныя рознічныя цэны на асобныя маркі цыгарэт ў Беларусі павышаюцца на 2,68—5%. 

Як вынікае з паведамлення на сайце Міністэрства па падатках і зборах Беларусі, на 5% (да 11,5 тыс. рублёў) будзе павышана цана на цыгарэты LD Club Extra Looung. Да гэтага ж кошту, на 2,68%, падаражэюць цыгарэты Viceroy Blue і Viceroy Red і Pall Mall Premium (Blue, Azure, Silver). 

Цана цыгарэт Luckies (Red, Silver, Blue), Winston (Blue, Silver, White), Camel (Black, White, Filters, Orang, Blue, Silver) вырасце на 3,4% і складзе 15 тыс. рублёў. 

Раней, 1 кастрычніка, цэны на некаторыя маркі цыгарэт былі павышаны на 2,75%. 

Хочаш падзяліцца важнай інфармацыяй ананімна і канфідэнцыйна?