03.11.2014 / 18:34

Спікер Меркель: Адмена санкцый супраць Расіі цяпер немагчымая 2

Пасля заявы аб прызнанні выбараў у самаабвешчаных «ДНР» і «ЛНР» магчымасць адмены санкцый супраць РФ выключаная.

Пра гэта заявіў афіцыйны прадстаўнік канцлера ФРГ Штэфан Зайберт.

«Цалкам незразумела тое, што ў Расіі раздаюцца афіцыйныя заявы, у якіх гаворыцца пра павагу і нават прызнанне так званых выбараў», — сказаў Зайберт.

Нямецкае выданне TagesSpiegel са спасылкай на брыфінг Зайберта паведамляе, што ў сітуацыі, якая склалася на паўднёвым усходзе Украіны, выключаецца магчымасць адмены Еўрасаюзам эканамічных санкцый супраць Расіі. «Калі сітуацыя будзе пагаршацца, можа ўзнікнуць неабходнасць узмацніць санкцыі», — перадае яго словы нямецкае выданне.

Раней МЗС РФ распаўсюдзіў заяву, у якой гаворыцца, што Расія паважае выбар паўднёвага ўсходу Украіны і выказвае гатоўнасць і ў далейшым садзейнічаць вырашэнню ўкраінскага крызісу.

Нагадаем, раней у ЕС дапускалі магчымасць узмацнення жорсткасці санкцый у выпадку прызнання псеўдавыбараў на Данбасе.

0
Мордехай В. / Адказаць
03.11.2014 / 22:03
Вот один из немногих оставшихся в Москве классных аналитиков объясняет, что жопа inevitable. http://www.vedomosti.ru/opinion/video/opinions/81/4981
0
Ліцьвін / Адказаць
05.11.2014 / 17:22
А што было незразумела? Эўропа думала, як тая гімазістка, што разсмоктычца ўсе неяк само сабой. Трэба рыхтавацца. Я ўжо купляю патрохі цукар, соль, крупы, запалкі, гарбату.
Каб пакінуць каментар, калі ласка, актывуйце JavaScript у наладах свайго браўзеру