09.11.2014 / 16:36

«Я выратую вас ад сатаны»: віноўнік дзвюх трагедый у Мінску быў цвярозы і не пад наркотыкамі 13

«Я выратую вас ад сатаны», — крычаў 38-гадовы мужчына, наносячы нажавыя раненні сваёй жонцы і дваім дзецям раніцай 8 лістапада ў Мінску, распавялі TUT.BY блізкія сям'і.

Паводле неафіцыйных дадзеных, апошнім часам мужчына стаў наведваць сустрэчы нейкай секты — але гэта пакуль толькі здагадкі бліжэйшага атачэння сям'і, заснаваныя на аналізе яго паводзінаў ды інш.

«Вынікі агляду падазраванага на алкаголь і забароненыя рэчывы [наркотыкі і таксікалогія] — адмоўныя. У сілу наяўных у следства звестак, вывучэння паводзінаў мужчыны напярэдадні, а таксама адсутнасці выразна выяўленага матыву следствам прызначана стацыянарная комплексная псіхолага-псіхіятрычная экспертыза, — паведаміла афіцыйны прадстаўнік СК РБ Юлія Ганчарова.

У Следчым камітэце таксама паведамілі, кім працаваў віноўнік двух трагедый: «Затрыманы 1976 года нараджэння, да крымінальнай адказнасці не прыцягваўся, працуе дырэктарам аднаго з ЗАТ».

Новае вар'яцтва ў Мінску: мужчына парэзаў сваю сям'ю, а затым на Audi пратараніў 5 аўто, два чалавекі загінулі

0
батлхантэр / Адказаць
09.11.2014 / 16:49
фiльм жахаў сышоў з экранаў на вулiцы Менска. А чаму не? Нячыстая сiла...
0
Valkyrja / Адказаць
09.11.2014 / 17:46
Мяркую такая з'ява патрабуе сур'ёзнага аналізу і даведак з псіхіатрычных устаноў... нават я ведала жанчыну (цяпер пакойную), якой "знесла дах" на "рэлігійна-эзетырычнай" глебе (правільней - эзетырычна-рэлігійнай)... магчыма там збег многіх фактараў - і ўзрост, і амбіцыі, і нейкія генетычныя схільнасці... сваякі казалі, што яна пачала наведваць семінары нейкіх маскоўскіх лектараў, "гіпнатызёраў"; перапісвалася з маскоўскім лектарам... Я не збіраюся зноў вінаваціць Расею... проста такія рухі ў іх больш развіты і запатрабаваны... ёсць нават інстытуты, якія маюць лецэнзіі на дзейнасць... дарэчы, ў мінулым месяцы зазірнула ў рунэт паглядзець каментары і была ўражана агульным "псіхозам"... людзі абмяркоўваюць новых "ванг"; прадказанні для Расеі, якія абяцаюць "залатыя часы" расеянам; шлюць пракляцці сваім ворагам... проста інфармацыйная вар'ятня!.. не ведаю, як можна захаваць здаровыя глузды ў такім асяроддзі... Так што такая з'ява не адзінкавыя выпадкі, да яе трэба ставіцца сур'ёзна, як да распаўсюду спайсаў... Маё меркаванне такое: чалавек не такое прымітыўнае стварэнне, каб жыць толькі "чаркай і скваркай"... калі ён яе набывае, ён шукае, чым сябе "забаўляць"... нехта спыняецца на спорце, нехта на паляванні/рыбалцы, нехта завісае ў грашова-гульнявой сферы... нехта паглыбляецца ў духоўны свет; і вельмі шкада, калі на на гэтым шляху чалавек ідзе па дарозе, па якой (як разумею) ішоў гэты чалавек; часцей такое здараецца з людзьмі, якія не гатовыя да такіх крокаў, якія раней не датыкаліся да такіх складаных пытанняў... не факт, што людзі, якія наведваюць царкву, могуць адрознівацца ад гэтага "персанажа", усё ж у іх больш шанцаў не "паехаць" ад такіх "захапляльных" тэорый...
0
ЯНКА / Адказаць
09.11.2014 / 19:19
. Валькір'я: « …на «рэлігійна-эзетырычнай» глебе (правільней – эзетырычна-рэлігійнай)… ». ~ ~ ~ А сама правільна – «эзАтЭрычна-рэлігійнай». Бо тэрмін «эзатэрыка» ня мае ніякага дачыненьня да слова «тырыць». .
Паказаць усе каментары/ 13 /
Каб пакінуць каментар, калі ласка, актывуйце JavaScript у наладах свайго браўзеру