12.11.2014 / 14:28

Масавага зносу прыватнага сектара ў Мінску не плануецца 2

Пра гэта заявіў 12 лістапада на прэс-канферэнцыі ў Мінску намеснік старшыні камітэта архітэктуры і горадабудаўніцтва Мінгарвыканкама Павел Лучыновіч.

realt.by

«Гэта прынцыповае рашэнне новага генеральнага плана горада», — адзначыў ён.

Паводле яго слоў, «праблема была ў тым, што на працягу доўгіх дзесяцігоддзяў людзі не маглі развіваць сваё жыллё, яны знаходзіліся пад дамоклавым мячом па зносу, і гэта было не вельмі гуманна ў адносінах да людзей. Таму прынята рашэнне не зносіць поўнасцю прыватны сектар, індывідуальнае домабудаванне. Калі мы дазволім людзям развіваць гэтыя тэрыторыі, яны могуць прывесці яе ў парадак, таму што мы бачым, што некаторыя раёны індывідуальнай забудовы знаходзяцца ў нездавальняючым стане. У іншых беларускіх гарадах такія тэрыторыі нашмат лепшыя і больш ахайна выглядаюць. Гэта звязана з тым, што мы самі не давалі людзям развіваць і рэканструяваць гэтыя тэрыторыі», — лічыць прадстаўнік Мінгарвыканкама. 

Разам з тым ён адзначыў, што «тыя сектары, якія знаходзяцца ўздоўж асноўных вуліц, плануюцца да зносу для надання сталічнага аблічча гэтым тэрыторыям». Таксама будуць зносіцца прыватныя дамы, якія трапяць у зону будаўніцтва новых дарог і ліній метрапалітэна. 

На пытанне аб ушчыльненні забудовы сталіцы Лучыновіч адказаў: «Ушчыльненне ў горадзе будзе праводзіцца вельмі акуратна, да гэтага пытання будзе індывідуальны падыход. Тым больш новая сістэма грамадскага абмеркавання праектаў сістэматызавала гэтае пытанне. У яе аснову лягло меркаванне насельніцтва».

Хочаш падзяліцца важнай інфармацыяй ананімна і канфідэнцыйна?

0
Guinness / Адказаць
12.11.2014 / 17:30
tolki kropkavaja zabudova (kab vy hramadziane padushylisia u betonnych hetta), tam zha infrastrukturu budavac parebna, a hetaha "investory" nia liubiac
0
Mika / Адказаць
13.11.2014 / 10:42
Снос не планируется. Это произойдет внезапно, "такполучилось".
Каб пакінуць каментар, калі ласка, актывуйце JavaScript у наладах свайго браўзеру