12.11.2014 / 20:31

Віктар Ганчарэнка такі звольнены з «Кубані»? Клуб узначаліць іншы беларус — Леанід Кучук 10

Сёння ўдзень расійскі сайт Onedision абвясціў, што беларускі спецыяліст Віктар Ганчарэнка, які пяць разоў прыводзіў БАТЭ да залатых медалёў чэмпіянату Беларусі, звольнены з расійскай «Кубані».

Затым краснадарскі клуб гэту інфармацыю абверг.

Але праз некалькі гадзін Спорт-Экспресс паведаміў, што трэніроўку каманды пасля некалькіх выходных праводзіў памочнік галоўнага трэнера «Кубані» Арсен Папікян. Паводле СЭ,

Віктар Ганчарэнка сёння развітаўся з футбалістамі,

аднак пакуль афіцыйнага пацвярджэння яго звальнення пакуль не было. На сайце клуба інфармацыі няма.

Ганчарэнка ўзначаліў краснадарскі клуб у кастрычніку 2013 года, змяніўшы румына Дарынела Мунцяну.

Паводле «Спорт-Экспресса», пасаду галоўнага трэнера «Кубані» з вельмі высокай доляй верагоднасці зойме іншы беларускі спецыяліст — Леанід Кучук,

пад кіраўніцтвам якога ў сезоне-2012/13 краснадарская каманда заняла 5-е месца і заваявала пуцёўку ў Лігу Еўропы. Калі не здарыцца нічога непрадбачанага, 55-гадовы спецыяліст заключыць кантракт да канца гэтага тыдня.

У цяперашнім сезоне расійскай прэм'ер-Лігі пасля 13 тураў краснадарская каманда знаходзіцца на пятым радку ў турнірнай табліцы, адстаючы ад ЦСКА, які займае другое месца, усяго на адзін бал.

Хочаш падзяліцца важнай інфармацыяй ананімна і канфідэнцыйна?

0
Мордехай В. / Адказаць
13.11.2014 / 07:04
Удивительно мне было, как специалист, который вроде как талантом не обделен, возглавил эту бандитскую отмывочную. Там же на всем президиуме на лицах написано, начиная с губернатора.
0
Бурбулятар / Адказаць
13.11.2014 / 08:14
Што за галімае "такі"? Ві на Пгівозе, такі да?
0
Пціч / Адказаць
13.11.2014 / 08:51
Неяк па-свінску зроблена.
Паказаць усе каментары/ 10 /
Каб пакінуць каментар, калі ласка, актывуйце JavaScript у наладах свайго браўзеру