12.11.2014 / 20:57

У Кракаве з'явіліся «зялёныя чалавечкі» 15

Як паведамляюць польскія СМІ, група невядомых людзей з крыкамі «Мы зялёныя чалавечкі» сарвала акцыю ў падтрымку Украіны ў Кракаве.

Акцыя ў падтрымку Украіны, арганізавана выданнем Gazeta Polska, была сарваная некалькімі дзясяткамі людзей у масках. Некаторыя з іх былі загорнуты ў сцягі непрызнанай Данецкай народнай рэспублікі, на іх вопратцы былі георгіеўскія стужкі. Яны скандавалі: «Мы зялёныя чалавечкі». Акрамя гэтага, яны пагражалі прысутным «Іскандэрамі» — расійскімі ракетнымі комплексамі.

Адказнасць за напад на сябе ўзяла ўльтраправая арганізацыя «Лагер Вялікай Польшчы». На іх сайце можна сустрэць згадкі пра іншыя «антыбандэраўскія» акцыі, арганізаванымі імі. Па іншых паведамленнях, да нападнікаў далучыліся і прадстаўнікі «Самаабароны».

«Газета Польска» традыцыйна падтрымлівае польскую партыю «Права і справядлівасць», якую ўзначальвае Яраслаў Качыньскі.

Хочаш падзяліцца важнай інфармацыяй ананімна і канфідэнцыйна?

0
Янка / Адказаць
12.11.2014 / 21:25
Скажы хто твой сябра і я скажу хто ты! Значыць " кіеўская хунта" не фашысцкая а антыфашысцкая. Фашысты і нацысты - гэта рэжым Пуціна і ўтвораная ім Лугандонія.
0
LMI / Адказаць
12.11.2014 / 21:30
Цікава, але не шакуе. Проста непрыемна, што ўльтрас польскіе працуюць на маскалей. Але паўтару - дзіўнага нічога. Тамтэйшыя нацыянальсты амаль роўныя рюскім фашыстам
0
Лявон Баршчэўскі з Кракава / Адказаць
12.11.2014 / 21:47
Гэткую навіну ў Кракаве ніхто ня чуў. Я патэлефанаваў знаёмым журналістам, залез на больш-менш салідныя кракаўскія сайты - ніхто нічога такога ня ведае! Можа, дзе-небудзь у якой піўнусе на ўскрайку гораду нехта папрыдурваўся, але ня больш за тое.
Паказаць усе каментары/ 15 /
Каб пакінуць каментар, калі ласка, актывуйце JavaScript у наладах свайго браўзеру