Пра «балючыя кропкі» беларускага турызму дырэктар кампаніі «Віаполь» Галіна Патаева разважае ў інтэрв'ю газеце «Туризм и отдых».
Яна, сярод іншага, адзначыла: »Напрыклад, турысты ўсё-такі прыехалі ў Беларусь. Два дні яны праводзяць у Мінску. Але патэнцыял нашай сталіцы не вельмі вялікі. Куды нам іх везці далей? Мір і Нясвіж запоўненыя турыстамі цалкам, велізарныя натоўпы турыстаў таксама ў Дудутках. Некаторыя фірмы возяць турыстаў на «Лінію Сталіна».
Але наша кампанія прынцыпова не ўключае гэты аб'ект у свае праграмы — з-за яго назвы. І ўвогуле мы выступаем з прапановай замяніць назву комплексу «Лінія Сталіна» на іншую. Напэўна, у Еўропе наўрад ці некага прыцягнуў бы аб'ект пад назвай «Лінія Гітлера»…
Чаму мы глядзім на гэта скрозь пальцы? Можна, да прыкладу, назваць гэты комплекс умацаванымі раёнамі, або неяк па-іншаму. Мне здаецца, над гэтым варта падумаць».