Аб'ёмы здабычы нафты ў Расіі стабілізуюцца на ўзроўні 2014 года, пра гэта паведамляе ТАСС са спасылкай на намесніка старшыні ўрада Аркадзя Дварковіча.

«Аб'ёмы здабычы скарачацца не будуць. Мы плануем захаваць здабычу на ўзроўні гэтага года», — сказаў віцэ-прэм'ер.

Дварковіч таксама адзначыў, што для ўводу новых радовішчаў ва ўмовах санкцый ўраду прыйдзецца падтрымаць нафтавыя кампаніі, у тым ліку і «Роснефть».

Раней міністр энергетыкі Расіі Аляксандр Новак заяўляў, што задача ўрада — захаванне здабычы нафты на стабільным узроўні.