У ДТЗ з удзелам машыны пасла Беларусі ў Расіі пад Смаленскам загінулі дзве жанчыны 6

smolensk-i.ru

У ДТЗ з паслом Беларусі пад Смаленскам загінулі дзве жанчыны. Пра гэта паведамляе Упраўленне ДІБДР УМВД Расіі па Смаленскай вобласці.

Аварыя адбылася 19 лістапада ў 10.47 непадалёк ад населенага пункта Якаўлева Ярцаўскага раёна Смаленскай вобласці на трасе М1 (Мінск - Масква).

Mercedes з дыпламатычнымі нумарамі сутыкнуўся з аўтамабілем ВАЗ-2104. У выніку ДТЗ загінулі дзве жанчыны (75 і 77 гадоў), пасажыркі Lada. Прычына аварыі высвятляецца.

Як аказалася, у Mercedes знаходзіўся пасол Беларусі ў Расіі Ігар Петрышэнка. Дыпламат і яго кіроўца не пацярпелі.

Петрышэнка адразу паехаў на працу, а кіроўца застаўся даваць тлумачэнні паліцыі.

news.tut.by

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ