21.11.2014 / 16:06

На «Спеўным сходзе» праспяваюць беларускія канты часоў ВКЛ — 26 лістапада 3

На «Спеўным сходзе» ўдзельнікі пазнаёмяцца з музыкай XVII ст. Будуць прасапяваны старадаўнія музычныя сшыткі: Полацкі, Аршанскі, сшытак «Куранты». Да выканання некаторых кантаў (песні) удзельнікі змогуць далучыцца. Дапаможа ў гэтым ансамбль «Кантабіле».

Раней лічылася, што беларуская прафесійная музыка зарадзілася ў XX ст. Але знаходкі «Полацкага сшытка», затым — Аршанскага, рукапіса «Куранты», іншых матэрыялаў адкрылі для беларусаў свет старадаўняй айчыннай музыкі. «Полацкі сшытак» быў знойдзены ў Ягелонскай бібліятэцы ў 1961 годзе літаратуразнаўцам Адамам Мальдзісам. У пераплёце даўнейшага ўніяцкага трэбніка, прывезенага з Полацка, былі схаваны скруткі з нотнымі запісамі. Ноты расшыфравалі, і «Полацкі сшытак» быў выдадзены ў 1970 годзе. Ён уключае ў сябе 200 канцонаў і танцаў эпохі Рэнесансу і ранняга Барока.

«Аршанскі сшытак» — гэта зборнік вершаў XVII ст. Музыку і вершы з двух зборнікаў аб'ядналі, і ў выніку кантамінацыі атрымалася 12 выдатных канцонаў.

«Куранты» — зборнік беларускай, польскай і ўкраінскай музыкі, знойдзены ў Салтыкоўскай бібліятэцы Санкт-Пецярбурга. Датуецца 1733 годам. Большасць тэкстаў «Курантаў» мае беларускае паходжанне.

Старадаўнія песні спяваць не складана: прыходзьце — і паспрабуйце! Разам паглыбімся ў еўрапейскую традыцыю музыкі на нашай зямлі.

Падпісацца на старонкі Сходаў вы можаце ў Facebook або Укантакце. Там жа ёсць відэа і тэксты песень.

 

NN.BY

0
R / Адказаць
21.11.2014 / 17:11
http://www.sb.by/kultura/article/polotskaya-tetrad-net-ostromechevskaya-rukopis-da.html [...] — Кто же знает это Остромечево?! — Может, такое селение есть и под Полоцком... — вмешался в разговор один из музыкантов. — Во всяком случае, вот смотрите, на конверте пластинки указано, что помещенные на ней песни бытовали... на Полотчине! — Вот–вот! Давайте «танцевать» от Полоцка — его знают все, а Остромечево — никто... Поэтому назовем рукопись «Полоцкой тетрадью»! — Но это будет фальсификацией, нарушением исторической правды, — попытался я возражать. — Без популярного брэнда мы не возьмемся это исполнять, — прозвучал вердикт. — Так что соглашайтесь с нашим условием и заказывайте в Кракове копию той тетради. Сами выберем лучшее. И я невольно смирился: лучше исполнение под таким брэндом, чем замалчивание вообще. Подумал, что время — раньше или позже — все расставит по своим местам. [...] Автор публикации: Адам МАЛЬДИС
0
Роўны / Адказаць
21.11.2014 / 17:33
Годны праект, малайцы хлопцы. Толькі загаловак папраўце
0
Літвінскі час / Адказаць
21.11.2014 / 23:06
Прашэнне зрабіце запіс і распаўсюдзьце.
Каб пакінуць каментар, калі ласка, актывуйце JavaScript у наладах свайго браўзеру