23.11.2014 / 11:43

Выйшаў новы нумар Arche — «Заходняя Беларусь. Міжваенны перыяд» 3

Свежы нумар Arche (№ 7—8 за 2014 год) цалкам прысвечаны розным аспектам гісторыі Заходняй Беларусі ў 1921—1939 гг., калі гэтая тэрыторыя ўваходзіла ў склад Польшчы.

«Заходнебеларуская спадчына — гэта шмат ў чым «нязручнае мінулае». Яно было такім у савецкі час, а з пэўнымі зменамі ды мадыфікацыямі застаецца і цяпер. Натуральна, дзякуючы высілкам акадэмічнай супольнасці, асабліва за апошнія 25 гадоў, было шмат зроблена для лепшага разумення і асэнсавання як міжваеннага перыяду ды вераснёўскіх падзей, так і асаблівасцяў ды месца Заходняй Беларусі ў пасляваеннай БССР. Шмат «белых плямаў», аднак, застаецца і сёння,» — піша аўтар прадмовы да нумара, гісторык Аляксандр Пагарэлы.

У нумары знайшлі адлюстраванне наступныя пытанні:

— успрыманне праблемы Заходняй Беларусі сучаснікамі і сённяшнімі даследчыкамі (артыкулы Ежы Тамашэўскага, Анатоля Трафімчыка, Святланы Чэрвоннай, Пятра Ціхарацкага);

— невядомыя і малавядомыя старонкі гісторыі беларускага нацыянальнага руху ў Заходняй Беларусі (публікацыі Аляксандра Быстрыка і Андрэя Вашкевіча, Аляксандра Пагарэлага, Анастасіі Юркевіч, Андрэя Чарнякевіча, Аляксандра Ільіна);

— гісторыя асобных заходнебеларускіх рэгіёнаў і мясцовасцяў (артыкулы Алеся Белага, Аляксандра Камінскага, Леаніда Лаўрэша, Аляксея Вячоркі, Аляксандра Вабішчэвіча, Войцеха Сляшынскага);

— крытычна-рэцэнзійныя матэрыялы (аўтарства Віталя Воранава, Сцяпана Стурэйкі, Ірыны Чарнякевіч).

Пабачыць поўны змест нумара і даведацца, як замовіць выданне, можна на сайце часопіса Arche.

0
kandratowic / Адказаць
23.11.2014 / 13:23
а чаму б не выпусціць нумар пра міжваенную цэнтральную і ўсходнюю Беларусь? пытанняў па гэтым перыядзе і па гэтым рэгіёне нашматт больш, чым па захадзе Беларусі.
0
Вашкевіч / Адказаць
23.11.2014 / 16:45
Папрэдні каментар цалкам заканамерны. З задавальненнем бы ткі нумар пачытаў. На жаль проста няма людзей здольных такі нумар сфарміраваць, асабліва па лініі даследаванняў падзей беларусізацыі 1920-х гг., ролі такіх асоб як У. Ігнатоўскі і шмат чаго іншага.
0
лор / Адказаць
24.11.2014 / 14:09
Вроде как националисты и создали БССР, а в Зах.Беларуси без репрессий продвигали польшчызну.
Каб пакінуць каментар, калі ласка, актывуйце JavaScript у наладах свайго браўзеру