Сьвет пачаў зваротны адлік да старту галоўнай спартыўнай падзеі чатырохгодзьдзя — Алімпіяды ў Пэкіне. Не засталася ў баку і Беларусь. 22 сьнежня ў Менску ля Палацу спорту, за 230 дзён да старту Алімпіяды, адкрылі стэлу «Алімпійскі час».
Стэла ў сваім родзе ўнікальны праект, вышыня яе больш чым 4 мэтры. У верхняй частцы — трохбаковае электроннае табло, дзе ідзе адлік часу да пачатку Гульняў у Пэкіне. Праект рэалізаваны па ініцыятыве прадстаўніцтва Нацыянальнага алімпійскага камітэту і кіраўніцтва беларускай сталіцы.