27.11.2014 / 12:50

Dzieciuki прэзентавалі кліп, на здымках якога былі затрыманыя — «Хлопцы-балахоўцы» ВІДЭА 23

Прэм’еру кліпа «Хлопцы-балахоўцы» музыкі прымеркавалі да Дня герояў – дня, калі афіцыйна пачалося Слуцкае паўстанне 1920 года.

Менавіта падчас здымак відэа да «Хлопцаў-балахоўцаў» гурт быў затрыманы ў поўным складзе. Але здаровы сэнс узяў уверх – музыкаў адпусцілі, а канфіскаваныя відэаматэрыялы і частку рэквізіту пасля праверкі аддалі рэжысёру роліка Антону Цялежнікаву, таму выхад роліка адбываецца як і запланавана – 27 лістапада на тэлеканале «Белсат».

«Гэты твор напісаны ў гонар тых ваяроў, якія ў 1920-я імкнуліся бараніць незалежнасць маладой дзяржавы БНР. Яна напісана ў памяць пра чалавека, пад кіраўніцтвам якога жаўнеры ў разы уступаючы колькасна, далі бой Чырвонай арміі, якая несла «сьветлае будучае». Таму мы прэзентуем кліп на Дзень Герояў», – кажа тэкставік гурту Дзяніс Жыгавец.

Гэта ўжо чацьвёрты кліп гарадзенцаў, зроблены сёлета. Да гэтага музыкі прадставілі відэаўвасабленне да песень «Сумнае рэгі»«Лясныя браты» і «Ладзьдзя роспачы». «Мы не імкнемся за колькасцю і ня ставім мэту здымаць кліпы. Так выходзіць, што ініцыятыву выяўляюць іншыя людзі – Антось Цялежнікаў, Вера Стома, Алесь Залеўскі і Яўген Шапчыц. Таму ўся павага і лаўры – іхнія», – кажа вакаліст каманды Алесь Дзянісаў.

Dzieciuki сёлета ў ліку галоўных прэтэндэнтаў на атрыманне званьня «Героі году» ад парталу Tuzin.fm. 12 сьнежня ў мінскім клюбе «Піраты» выступяць з сэтам сваіх найлепшых песень.

0
LMI / Адказаць
27.11.2014 / 13:23
Ужо спампаваў
0
Tadzik / Адказаць
27.11.2014 / 13:35
Файна! Малайцы!
0
гарадзенка / Адказаць
27.11.2014 / 13:40
РЭСПЕКТ!!! Dzieciuki таксама ГЕРОІ - у такіх жорсткіх умовах, асабліва як у нас на Гарадзеншчыне, не паддаліся, не запалохаліся. А нават наадварот - не хочам у кайданках жыць у галечы - гучыць аптымістычна і абнадзейвае. Мае сябры мячы перакавалі І адышлі ў бліскучыя лугі. А ворагі наадварот - не сталі Мяняць мячы стальныя на плугі. Стаіўшыся, стаю на полі бітвы, Сціскаю меч, але ржавее ён І апякае пылам аксамітным І без таго гарачую далонь. Смяецца хеўра ворагаў здзічэла З мяне, майго мяча, маіх сяброў. Мая ж душа да неба паляцела, Бо Беларусь паклікала дамоў. (Анатоль Брусевіч)
Паказаць усе каментары/ 23 /
Каб пакінуць каментар, калі ласка, актывуйце JavaScript у наладах свайго браўзеру