28.11.2014 / 18:57

Міністр Шуневіч аб канфіскацыі ўкраінскіх сцягоў: Патрабаванні закона выконвалі, выконваем і будзем выконваць 38

«Гэта патрабаванні закона. Мы іх выконвалі, выконваем і будзем выконваць», — заявіў міністр унутраных спраў Беларусі Ігар Шуневіч, каментуючы канфіскацыю сцягоў Украіны ў гледачоў на канцэрце гурту «Океан Ельзи» 21 лістапада ў «Мінск-Арэне».

Кіраўнік МУС прызнаў, што рэзананс ад дзеянняў міліцыі на канцэрце ў Мінску «здарыўся ва Украіне». «У нас я такога рэзанансу не адчуваў. Яго і не магло быць», — упэўнены міністр.

Паводле слоў Шуневіча, «органы ўнутраных спраў абавязаны падтрымліваць правапарадак на ўсіх масавых мерапрыемствах, зводзіць да мінімуму ўсе магчымыя рызыкі развіцця неспрыяльнай сітуацыі, у тым ліку з пункту гледжання праяўлення агрэсіі, масавага непадпарадкавання і г. д.»

«Усе забароненыя, непажаданыя да праносу прадметы на такіх масавых мерапрыемствах канфіскоўваюцца, незалежна ад таго, ці з'яўляецца гэта сцягам ці іншым прадметам, які забаронены», — сказаў міністр унутраных спраў.

Варта адзначыць, што акрамя ўкраінскіх, зафіксаваны нярэдкія выпадкі канфіскацыі беларускіх нацыянальных сцягоў. Аднак не здарылася выпадку канфіскацыі сцягоў расійскіх або савецкіх.

0
Андрей / Адказаць
28.11.2014 / 18:58
Что ж, посмотрим, будут ли они теперь вообще все флаги отбирать, в том числе и российские!
0
ці з'яўляецца гэта сцягам ці іншым прадметам, які забар / Адказаць
28.11.2014 / 19:01
Што за ерунда? Украінскі сьцяг у Беларусі забаронены? Нейкі дурдом. А рэзанансу няма ў нас таму, што мы ўжо прызвычаіліся, прыцярпеліся да гэтых .
0
Хруша / Адказаць
28.11.2014 / 19:03
Патрабаваньнi якога закона, невуч?
Паказаць усе каментары/ 38 /
Каб пакінуць каментар, калі ласка, актывуйце JavaScript у наладах свайго браўзеру