Дэпутат Дзярждумы ад «Адзінай Расіі» Валерый Якушаў лічыць, што былога прэзідэнта Украіны Віктара Януковіча павінны судзіць на радзіме.
Пра гэта ён сказаў радыёстанцыі «Говорит Москва».
«Януковічу ў Расіі месца не павінна быць. Гэты чалавек здрадзіў усюму ўкраінскаму народу і ўцёк, яго трэба знайсці і судзіць дома. І мы не павінны яго падтрымліваць», — сказаў Якушаў.
Паводле яго слоў, падобныя да Януковіча палітыкі не павінны мець прытулак у РФ.
«Тым, хто хоча тут схавацца і нармальнаму рабочаму чалавеку не змог дапамагчы, месца няма ў Расіі. Спачатку ў сябе навядзі парадак, там ствары ўмовы, але яны ўцяклі», — падкрэсліў дэпутат.
Як паведамлялася, раней дэпутат Дзярждумы Расіі ад фракцыі КПРФ Валерый Рашкін прапанаваў расійскім уладам выдаць Украіне «не чыстых на руку уцекачоў — ўкраінскіх палітыкаў і іх сваякоў».
