Паэт Андрэй Хадановіч зрабіў пераклады песень Яцака Качмарскага і сам іх праспяваў.
Яцак Качмарскі (1957 — 2004) — культавы польскі бард часоў Салідарнасці. Дэбютаваў у 1970-х. Шырокую папулярнасць атрымаў як голас антыкамуністычнай апазіцыі. Пакінуў краіну, калі ў Польшчы ўвялі ваеннае становішча. Вярнуўся ў 1990-м. Але пасля зноў эміграваў, жыў у Аўстраліі. Памёр у Польшчы ад раку.
Качмарскі — аўтар соцень песень. Самыя вядомыя — «Mury», «Nasza klasa», «Oblawa», «Epitafium dla Włodzimierza Wysockiego», «Źródło».
На беларускі дыск «Муры» ўвайшлі 14 песень. Песню «Муры», між іншым, Андрэй Хадановіч выканаў на Плошчы-2010.
У запісе дыска прынялі ўдзел Вольга Падгайская, Віталь Эпаў — клавішы, Андрэй Еўдакімаў — гітара, Аляксандр Буцько — акардэон.
Да дыска прыкладаецца кніжачка, у якой надрукаваны тэксты песень па-беларуску і ў арыгінале.
«Наш клас», спявае Яцак Качмарскі.
«Наш клас» у выкананні Андрэя Хадановіча.
