16.12.2014 / 15:22

Пачалі электрыфікацыю чыгункі з Літвы ў Беларусь 4

Паездка на двухпавярховай электрычцы можа скараціцца з трох да дзвюх гадзін.

Электрыфікацыю пачалі ў панядзелак, 15 снежня. Яе робяць для чыгуначнай галіны ад Вільні (станцыя Новая-Вільня) да Беларусі. Арганізатары заклалі сімвалічную капсулу часу. Пра гэта паведамляе рэсурс ru.delfi.lt са спасылкай на Балтыйскае агенцтва навін.

«Электрыфікацыя гэтай чыгуначнай галіны павысіць прыцягальнасць чыгуначнага транспарту ў сферах перавозкі грузаў і пасажыраў, знізіць забруджванне атмасферы дзякуючы выкарыстанню электрычнасці. Рыхтуюцца, каб цягнікі ехалі з хуткасцю 160 км/г», — адзначыў прэм’ер Альгірдас Буткявічус, які ўдзельнічаў у цырымоніі пачатку работ.

Праект плануюць завяршыць у сакавіку 2016 года.

Агулам электрыфікуюць 28,6 кіламетра пуцей, рэканструююць цягавую падстанцыю ў мікрараёне Вільні Новая Вільня. Участак дарогі за 90 909 мільёнаў літаў электрыфікуе кампанія інжынерных электронных рашэнняў Fima і яе дачэрняя фірма з Латвіі.

Літоўская чыгуначная кампанія Lietuvos gelezinkeliai спадзяецца, што пасля электрыфікацыі галіны Маладзечна − Кяна (Гудагай) — Новая Вільня, паездка паміж Вільняй і Мінскам зойме дзве гадзіны.

0
мясцовы2 / Адказаць
16.12.2014 / 16:18
чаму не да стоціса?
0
Спадар Антось з-пад Вільні / Адказаць
16.12.2014 / 16:53
мясцовы2, пэўна таму, што ўчастак ад стоціса да Новае Вільні электрыфікаваны яшчэ ад 1975 г.
0
спаЛОХаны? / Адказаць
16.12.2014 / 17:03
Пачалі электрыфікацыю чыгункі з Літвы ў Беларусь ++++++++= адным словам Эўропа?
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру