27.12.2014 / 17:12

Багданкевіч: «Павел Калавур — найлепшы варыянт». Пяць фактаў пра новага старшыню Нацбанка 16

Аляксандр Лукашэнка прызначыў Паўла Калавура старшынёй Нацбанка. «Наша Ніва» расказвае цікавыя факты з яго жыцця.

Паляшук

Калавуру 52 гады. Ён нарадзіўся ў вёсцы Белавуша Столінскага раёна. Прозвішча мае цюркскія карані, яно паходзіць ад слова «караул!»

Банкір адвучыўся ў Пінскім улікова-крэдытным тэхнікуме (як і многія беларускія фінансісты, уключна з Надзеяй Ермаковай), а пасля і ў Наргасе. У сталым веку скончыў БДЭУ яшчэ раз, магчыма, у афіцыйнай біяграфіі гаворка вядзецца пра магістратуру.

Калавур спачатку працаваў у сістэме Дзяржбанка — у Стоўбцах, Бярэзіне і Валожыне, а незалежнасць сустракаў кіраўніком валожынскага аддзялення «Белаграпрамбанка».

Досвед працы ў Нацбанку

Адтуль яго забраў у Мінск Станіслаў Багданкевіч, тагачасны кіраўнік Нацбанка. Калавур стаў ягоным намеснікам. У гэтай структуры банкір адпрацаваў 17 гадоў, пасля стаўшы першым намеснікам, але ўжо не ў Багданкевіча, а ў Пятра Пракаповіча.

У 2010-м Калавур сышоў кіраваць «БелВЭБам», дачкой расійскага банка.

Так што прыход у Нацбанк будзе для яго другім.

«Адзін з найлепшых банкіраў»

«Сярод дзейсных банкіраў гэта адна найлепшых кандыдатур», – перакананы Станіслаў Багданкевіч. Але прызнаецца, што ад Калавура ў цяперашняй сітуацыі мала што залежыць.

«Патрэбная сумесная праграма па пераходу на новую мадэль рэгулявання эканомікі і новая эканамічная палітыка. І ў гэтай праграме пазіцыі манетарнай палітыкі не на першым месцы.

Грашовая маса расце, таму што банкі крэдытуюць неэфектыўныя дзяржпраекты і стратныя прадпрыемствы, якія працуюць на склад. Калі Калавур будзе адстойваць свае пазіцыі, гэта сыграе сваю ролю.

Але мяне больш засмучае прызначэнне Андрэя Кабякова. Урад ніводнага кроку не мог рабіць без ягонай згоды. Ён, па сутнасці, галоўны вінаваты ў крызісным абвале. І яго перасоўваюць на пасаду прэм’ера! Таму чаканні слабыя», – разважае Багданкевіч.

Кандыдат эканамічных навук

У 2001-м Калавур абараніў дысертацыю. Тэмай даследавання былі эканамічныя перадумовы і наступствы манетарнага саюза Беларусі і Расіі. Прычым ацэньваў ён іх негатыўна.

«На мой погляд, ён займаў слушную пазіцыю, маўляў, не трэба пераходзіць на расейскі рубель, пакуль не будзе поўнай эканамічнай інтэграцыі», – узгадвае Станіслаў Багданкевіч.

Не ў Драздах, але побач

Калавур жыве непадалёку ад Драздоў, у «пасёлку банкіраў».

У 2007 годзе Мінгарвыканкам выдзеліў зямлю на вуліцы Вілейскай семярым дзяржаўным служачым. Тагачаснаму старшыні Нацбанка Пятру Пракаповічу — 0,15 га. А ўсе ягоныя намеснікі — Павел Калавур, Юрый Алымаў, Мікалай Лузгін, Уладзімір Сянько, Мікалай Кадушка і Васіль Мацюшэўскі — атрымалі па 0,11 га. Умовы выдзялення ўчасткаў невядомыя. Аднак сумнеўна, што гэта быў аўкцыён з роўным доступам усіх ахвотных.

Калавуру належыць двухпавярховы катэдж з двума падваламі і дзвюма тэрасамі. Агульная плошча дома – 407 м2.

Ягор Марціновіч

0
Андрэй / Адказаць
27.12.2014 / 17:28
Вось на гэты факт вы запамятавалi: Теперь главное, давайте просто посмотрим на суммы премиальных, которые Павел Владимирович выписывал себе в столь сложное для народа Беларуси время: март 2011 года – 125 млн. белорусских рублей; май 2011 года – 116 млн. белорусских рублей; август 2011 года – 121 млн. белорусских рублей; октябрь 2011 года – 185 млн. белорусских рублей; ноябрь 2011 года – 268 млн. белорусских рублей. Просим обратить особое внимание на даты резких скачков приведенных сумм, которые точно совпадают с датами проведения официальной девальвации белорусского рубля Национальным банком Республики. Как видим, Павла Владимировича гиперинфляция и девальвация не особо беспокоили, он просто умножал на калькуляторе свою премию, да и вряд ли он участвовал в перекличках у обменных пунктов, чтобы съездить на заграничный курорт. А ведь такой «Каллаур» сидит в каждом банке… Вот на что идут наши вклады! И тут вспоминается совет Жоржа Милославского из бессмертной комедии Леонида Гайдая: «Граждане, храните деньги в сберегательной кассе! Если они у вас, конечно, есть…» А у вас есть деньги? И где вы их храните? http://qwas.ru/belarus/ucpb/Ljudi-golodajut-premialnye-rastut/
0
Тюрки олицетворяют военную доблесть Азии / Адказаць
27.12.2014 / 17:45
Прозвішча мае цюркскія карані, .... Мы - Тюрки, достойные наследники великих предков! Мы чтим свою историю и верим в наше будущее. Мы храним нашу культуру и уважаем культуры наших соседей. Мы первые среди равных. А персидский историк Раванди в 13 веке написал: «Слава Аллаху, в землях Арабов, Персов, Византийцев и Русов последнее слово принадлежит тюркам, страх перед саблями которых прочно живёт в их сердцах». Так Шурик на этом фоне вооообщЭ, без роду и племени
0
07 / Адказаць
27.12.2014 / 17:53
а пра адзіныя пантоплі што нібудзь пачуем, ці пытанне- а навошта вам гэтыя даляры ?
Паказаць усе каментары/ 16 /
Каб пакінуць каментар, калі ласка, актывуйце JavaScript у наладах свайго браўзеру