27.12.2014 / 19:42

Міхаіл Жураўкоў стаў доктарам навук у 32 гады — хто ён, новы міністр адукацыі? 28

Новым міністрам адукацыі стаў 53-гадовы Міхаіл Жураўкоў.

Тэндэнцыя апошняга часу — Лукашэнка прызначае кіраваць адукацыяй фізікаў і матэматыкаў. Папярэднікам Жураўкова быў Сяргей Маскевіч, а перад тым міністрам быў Аляксандр Радзькоў.

Жураўкоў нарадзіўся ў Салігорску, ён скончыў механіка-матэматычны факультэт БДУ (1984) і аспірантуру пры БДУ (1987). Тэмы ягонай кандыдацкай і доктарскай дысертацый супадаюць — «Механіка дэфармаванага цвёрдага цела». Доктарам фізіка-матэматычных навук Жураўкоў стаў ужо ў 32 гады.

Пасля заканчэння ўніверсітэта навуковец працаваў у інстытуце горна-хімічнай прамысловасці, адкуль перайшоў у «Беларускалій». У 1993—1996 Жураўкоў быў намеснікам начальніка службы аўтаматызаванай сістэмы кіравання прадпрыемствам па распрацоўцы і ўкараненні.

Пасля на працягу года будучы міністр папрацаваў у БНТУ і перайшоў у «альма-матар». У БДУ ён дайшоў да пасады дэкана механіка-матэматычнага факультэта, а пасля і да першага прарэктара.

У раздзеле «павышэнне кваліфікацыі» ў ягонай біяграфіі адзначана навучанне ў Хельсінкі, Берне, а таксама ў Сакле (Францыя). 

ЯМ

0
.. / Адказаць
27.12.2014 / 19:46
Симпотга
0
Анатоль Сідарэвіч / Адказаць
27.12.2014 / 20:10
Ну і што? Праблемы адукацыі Жураўкоў ведае, курс школазнаўства засвоіў? А Маскевіча я віншую: вернецца чалавек на родную кафедру. Спадзяюся, што як фізік ён не памёр, за літаратурай сачыў.
0
Вадзім / Адказаць
27.12.2014 / 20:25
А што ён будзе рабіць з мовай у школах?
Паказаць усе каментары/ 28 /
Каб пакінуць каментар, калі ласка, актывуйце JavaScript у наладах свайго браўзеру