27.12.2014 / 23:11

Першы віцэ-прэм'ер Васіль Мацюшэўскі цяпер і 15 гадоў таму ФОТАФАКТ 10

Першым віцэ-прэм'ерам прызначаны Васіль Мацюшэўкі. Ён заняў месца Уладзіміра Сямашкі, які спусціўся на прыступку ніжэй, цяпер ён проста віцэ-прэм'ер.

Васіль Мацюшэўскі нарадзіўся ў 1969 годзе ў Оршы. Пасля заканчэння БДУ па спецыяльнасці «Палітычная эканомія» (1991) ён паступіў у аспірантуру. Па выніках навучання Мацюшэўскі абараніў у 1995 годзе кандыдацкую дысертацыю па тэме «Канцэптуальныя асновы фарміравання знешнеэканамічнай палітыкі Беларусі».

Скончыўшы ўніверсітэт, Мацюшэўскі пабыў па паўгода начальнікам аддзела ў НПА «Фенікс» і навуковым супрацоўнікам у НІІ Дзяржплана, а пасля ўладкаваўся трэцім сакратаром аддзела міжнародных эканамічных адносінаў у МЗС Беларусі.

У красавіку 1994 ён прыйшоў у Нацбанк. Тут ён затрымаўся да 2010 года з перапынкам на год працы дарадцам у міністэрстве фінансаў.

У Нацбанку Мацюшэўскі спачатку быў галоўным эканамістам аддзела, а з цягам часу дарос да намесніка старшыні праўлення.

Вось ягоны здымак за пачатак 2000-ых:

Мацюшэўскі курыраваў пытанні прыцягнення замежных інвестыцый у банкаўскую сістэму, а таксама кіраванне золатавалютнымі рэзервамі.

Паводле чутак, банкір быў на кароткай назе з Віктарам Лукашэнкам і выконваў ролю нефармальнага фінансавага дарадцы прэзідэнцкай сям'і.

У 2010-м Мацюшэўскі сышоў кіраваць беларускім падраздзяленнем расійскага «Сбербанка». На пасадзе старшыні праўлення «БПС-Сбербанка» ён і заставаўся да прызначэння ва ўрад.

Мацюшэўскі цяпер. Фота tut.by.

Як і іншыя былыя намеснікі Пятра Пракаповіча па Нацбанку, Мацюшэўскі атрымаў участак непадалёку ад Драздоў, у «пасёлку банкіраў». На гэтых 0,11 га і стаіць катэдж новага першага віцэ-прэм'ера.

ЯМ

0
Андрэй / Адказаць
27.12.2014 / 23:26
Дурык, ты навошта вусы збрыў? )))
0
БГУшник / Адказаць
27.12.2014 / 23:29
Еще одно абсолютно верное назначение. Лукашенко боится потерять экономику в выборный год, вот и ставить на ключевые позиции умных людей.
0
Анатоль Сідарэвіч / Адказаць
28.12.2014 / 00:07
А сам Лукашэнка, выпускнік экфака сельгаскадэміі, нешта ў эканоміцы цяміць? Па "поспехах" саўгаса "Гарадзец" гэтага не скажаш. І па выніках 20-гадовага кіравання краінай. Ведаю, як завочнікі -- старшыні калгасаў, дырэктары саўгасаў, аграномы і заатэхнікі -- здавалі іспыты ў сельгаскадэміі...
Паказаць усе каментары/ 10 /
Каб пакінуць каментар, калі ласка, актывуйце JavaScript у наладах свайго браўзеру