29.12.2014 / 13:07

Меркаванне: За міністра Жураўкова сорамна не будзе 21

Першае ўражанне, калі даведаўся, што Міхаіл Анатольевіч Жураўкоў прызначаны міністрам адукацыі Рэспублікі Беларусь — шок! З аднаго боку — вельмі добра, а з другога — чалавека шкада.

Увогуле, не разумею вось такія масавыя змены ў кіраўніцтве. Так, магчыма годныя людзі, але сутнасць жа не ў іх, сутнасць у тым, што сістэму, падыходы да працы трэба мяняць. Людзі мяняюцца, а краіна ўсё там жа… Адно цешыць, што за адукацыю ў бліжэйшы час можна не хвалявацца.

Як першы прарэктар БДУ, Міхаіл Жураўкоў заслужыў вялікую павагу супрацоўнікаў і студэнтаў. Акуратны, адкрыты спартыўны – гуляў у валейбол, рэктарат супраць студэнтаў. У свае 53 гады Жураўкоў — падцягнуты мужчына.

Не ўсе ведаюць, але Жураўкоў апошнія гады шмат увагі надаваў Балонскаму працэсу. Дзякуючы яму, БДУ зрабіў велізарны рывок у гэтым накірунку. Як старшыня грамадскага аб'яднання «Студэнцкі саюз БДУ» я 16 мая 2013 года прысутнічаў на інфармацыйна-адукацыйным семінары «Балонскі працэс і правядзенне рэформы вышэйшай адукацыі ў агульнаеўрапейскай адукацыйнай прасторы», які быў арганізаваны Еўракамісіяй у рамках 4-й платформы Усходняга партнёрства і быў моцна здзіўлены зацікаўленасцю Жураўкова ў гэтым пытанні.

Дарэчы, ён валодае замежнай мовай. Ці многія міністры гэтым могуць пахваліцца?

Кажучы пра чалавечыя якасці новага міністра адукацыі, хачу яшчэ распавесці гісторыю з асабістага жыцця. Увесну гэтага года звярнуўся да Жураўкова М.А. з асабістым пытаннем. Пры ўсёй занятасці тады яшчэ першы прарэктар БДУ, знайшоў некалькі гадзін для мяне і дапамог.

Карацей, будзем мець міністра, за якога сорамна не будзе. Раней такі быў міністр культуры — Латушка. Зараз і ў адукацыі могуць быць змены да лепшага.

Даслаў чытач Зміцер Валадзько

0
мигелито / Адказаць
29.12.2014 / 13:34
Вот именно такие люди "за которых не будет стыдно", идущие на службу Лукашенко, причина того что режим до сей поры и цветет. Это как вляпаться в говно, по сути вся элита там, но надувают щеки. Я думаю что никакой люстрации в Беларуси не будет, так как замараны все,а жизнь прошла под звездой диктатуры.
0
Саша / Адказаць
29.12.2014 / 14:26
Слабая аргументация, молодой человек, которая попахивает желанием получить распределение в БГУ. Вас приятно удивило, что человек speaks English. Вдохновляет то, что стажировался за рубежом и даже играет в волейбол. Но, таких в стране сотни. Защитил докторскую в 32 года. Замечательно, а почему Хирш-фактор публикаций всего лишь 3 по Googlscholar и 0 по Scopus? Поддерживает Болонский процесс? А что тут неожиданного? Это хорошая возможность съездить за рубеж за еврорублями. Человек работал в Европе и ничего так и не понял. Если бы понял, от этой должности просто отказался.
0
a88 / Адказаць
29.12.2014 / 14:28
У любым выпадку пра чалавека больш станоўчых водгукаў, што ўжо надае аптымізму.
Паказаць усе каментары/ 21 /
Каб пакінуць каментар, калі ласка, актывуйце JavaScript у наладах свайго браўзеру