29.12.2014 / 21:05

Лукашэнка: Беларусы яшчэ ніколі не жылі так добра 36

Беларусы павінны быць гаспадарамі на сваёй зямлі і берагчы яе. Гэта адзначыў Аляксандр Лукашэнка сёння ў час прадстаўлення на пасадзе прэм'ер-міністра Андрэя Кабякова.

«Мы павінны быць гаспадарамі на гэтай зямлі і павінны гэтую зямлю, чаго б гэта ні каштавала, берагчы і абараняць», — падкрэсліў кіраўнік дзяржавы. Аляксандр Лукашэнка адзначыў, што сёння, напярэдадні Новага года, наведаў дом-інтэрнат для пенсіянераў-інвалідаў.

«Гледзячы на іх, думаю: чаго нам не хапае? У нас ёсць усё. Беларусы яшчэ ніколі так добра не жылі. Няхай мяне пачуюць і зразумеюць», — адзначыў Лукашэнка.

Ён нагадаў, што цяжкім быў для Беларусі пасляваенны перыяд, калі людзі ў вельмі складаных умовах аднаўлялі краіну.

«Сёння некаторыя крыўдзяцца — таго не хапае, гэтага. А я настойваю: калі чалавек хоча нармальна жыць і карміць сваіх дзяцей, сваю сям'ю — у яго ўсё для гэтага ёсць, трэба толькі варушыцца», — мяркуе ён.

Разам з гэтым ён канстатаваў, што ёсць і іншая катэгорыя людзей, якія п'янствуюць, лодарнічаюць і, зразумела, жывуць няважна:

«Калі нехта падляноўваецца, не хоча працаваць, ды яшчэ і адукацыі не атрымаў, гультай, за каўнер любіць закласці, кожны дзень курыць па два пачкі цыгарэт, палічыце, колькі каштуе выпіць і закурыць, а яшчэ і панюхаць нейкай наркаты. І якая работа потым пасля п'янкі? І якімі багатымі людзьмі яны могуць быць?» Пры гэтым ён задаў рытарычнае пытанне: «Які прэзідэнт і якая ўлада зробіць нармальным дабрабыт такіх людзей?»

На думку кіраўніка дзяржавы, беларусы заўсёды вызначаліся тым, што ніколі не раскідваліся грашыма, бо жыццё ў іх не было простым.

У гэтым менталітэт нашых людзей. Ёсць шмат простых людзей, якія не ставяць пытанне аб пенсіях, недзе падзарабляюць, недзе карыстаюцца прадастаўляемымі ў магазінах скідкамі.

«Я часта думаю: уся наша праблема ў тым, што наш народ не перажыў дрэнных часоў у той перыяд, калі нашы браты (па былым Савецкім Саюзе) церпяць», — сказаў Лукашэнка.

Ён звярнуў увагу на Украіну, дзе цяпер вельмі складаная сітуацыя.

«Кожны павінен разумець, што яго дабрабыт, перш за ўсё, у яго руках, а потым ужо Мясніковіча, Кабякова, Лукашэнкі, і потым губернатараў», — сказаў Лукашэнка.

0
Inhvar / Адказаць
29.12.2014 / 21:12
Нам(сьвядомым беларусам) не хапае БЧБ i Пагонi!
0
яфйцыч / Адказаць
29.12.2014 / 21:17
Всё так и есть. При любой власти хорошо живёт тот, кто к этому стремится. Работящих крестьян (кулаков) вывезли в Сибирь. Они и там смогли жить нормально. Естественно те, кому посчастливилось ВЫЖИТЬ. А выжили - немногие. А бездельникам всегда кто-то мешает: то власть, то богатый сосед, то тёща.
0
кот / Адказаць
29.12.2014 / 21:18
вспомним 94-ый год. прихожу я на завод женщина в оборванном платье прямо в цеху варит талоны на еду в кастрюле, потому что обналичить не могла... бросилась в ноги и попросила 20 долларов. мы сделали все чтобы она помытая легла в постель к мужу...
Паказаць усе каментары/ 36 /
Каб пакінуць каментар, калі ласка, актывуйце JavaScript у наладах свайго браўзеру