Узгаранне ў кабіне машыніста цягніка Гомель — Магілёў здарылася 29 снежня на станцыі Магілёў-1.
Як паведамілі ў Магілёўскім абласным упраўленні МНС, учора прыблізна ў 10.15 паступіла інфармацыя аб задымленні ў кабіне машыніста цягніка № 653Б, які стаяў на станцыі. За 15 хвілін да гэтага цягнік прыбыў на магілёўскі вакзал, высадзіў пасажыраў і застаўся стаяць на пуці № 16.
«У выніку гарэння электраправодкі пашкоджаныя панель кіравання, абшыўка, закуранае аздабленне ўнутры дублюючай кабіны машыніста цягніка. Рух чыгуначнага транспарту не парушаны. Пацярпелых няма», — сказалі ва ўпраўленні МНС.
Прычына ўзгарання ўстанаўліваецца.
0
0
0
0
0
0
