30.12.2014 / 14:41

Навальны: Тэксту прысуду не існуе, ён будзе гатовы толькі 12 студзеня 1

Расійскі палітык Аляксей Навальны пракаментаваў прысуд, вынесены яму і ягонаму брату Алегу. Пра гэта ён напісаў у сваім фэйсбуку. Нагадаем, Аляксей атрымаў сёння па справе «Іў Рашэ» ўмоўны тэрмін, Алег Навальны — рэальны: 3,5 года турмы.

«Пра прысуд (у сэнсе дакумента) хачу дадаць, каб вам было больш зразумела, — напісаў Аляксей Навальны. — Учора было заяўлена, што яго перанеслі з 15-га студзеня на 30 снежня, бо «ён ужо гатовы».

Сёння суддзя Каробчанка заявіла, што прачытае толькі «ўводную і рэзалютыўную часткі», што наогул немагчыма па крымінальнай справе. Не бывае такога і забаронена, вы ведаеце выдатна, некаторыя прысуды некалькі дзён чытаюць.

Але самае смешнае, што пасля пасяджэння мы паспрабавалі атрымаць тэкст «які гатовы».

Яго няма. Няма прысуду, ён не напісаны і не існуе.

Каробчанка сказала «будзе гатовы не раней 12-га».

Нам нават не далі тую самую «рэзалютыўную частку».

Юрысты разумеюць наколькі гэта гучыць па-вар'яцку: бо без прысуду нават у СІЗА не прымаюць.

Немагчыма гэта - надзець на чалавека кайданкі і не даць яму тэкст прысуду. Выключана асновамі крымінальнага права.

Але не ў гэтым выпадку.

Суддзі Каробчанка ў літаральным сэнсе далі (хутчэй за ўсё сёння раніцай) маленькую паперку, дзе былі напісаныя тэрміны і сказалі: «Ідзі і прачытай».

0
фсё в топку / Адказаць
30.12.2014 / 17:03
У нас это уже 20 лет. лука проторил путь российскому Адольфу, и тот не отклоняется от данного пути ни на шаг, ни на пункт. о котором говорит г-н Навальный. Иметь еще одного Ходорковского кремлевский паханат не хочет, натерпевшись от прежнего, а поступить иначе, чем с Ходорковским не может, потому что идет нога в ногу с Лукой. Повязанные цепью!
Каб пакінуць каментар, калі ласка, актывуйце JavaScript у наладах свайго браўзеру