04.01.2008 / 22:32

Мацкевіч зьяжджае зь Белграду, ці заменіць яго Сухарэнка? 7

Аляксандар Лукашэнка вызваліў ад абавязкаў чатырох паслоў, у тым ліку былога старшыню КДБ Уладзіміра Мацкевіча.

Аляксандр Лукашэнка вызваліў ад абавязкаў чатырох паслоў, у тым ліку былога старшыню КДБ Уладзіміра Мацкевіча.

Указамі прэзідэнта ад 3 студзеня вызваленыя ад абавязкаў чатыры беларускія паслы: Уладзімір Каралёў (пасол у Швейцарыі і пры Святым прастоле па сумяшчальніцтве), Вадзім Лазерка (пасол у Аргенціне, а таксама па сумяшчальніцтве ў Чылі і Уругваі), Ніна Мазай (пасол у Канадзе) і Уладзімір Мацкевіч (пасол у Югаславіі і па сумяшчальніцтве ў Босніі і Герцагавіне ). Пра гэта паведаміў Нацыянальны прававы інтэрнет-партал.

У. Каралёў быў прызначаны паслом у Швейцарыі 29 жніўня 2000 года, пры Святым Пасадзе — 18 лютага 2002 года; В. Лазерка паслом у Аргенціне — 6 кастрычніка 1999 года, у Чылі і Уругваі — 24 студзеня 2000 года; Н. Мазай паслом у Канадзе — 8 мая 2001 года; У.Мацкевіч паслом у Югаславіі — 13 ліпеня 2001 года, у Босніі і Герцагавіне — 4 ліпеня 2002 года. Са снежня 1995-га па лістапад 2000 года У.Мацкевіч узначальваў КДБ Беларусі.

Хочаш падзяліцца важнай інфармацыяй ананімна і канфідэнцыйна?

0
wint / Адказаць
04.01.2008 / 22:49
Можа Мацкевіча таму вяртаюць, што няма той краіны, дзе ен амбасадорам? Можа ен зараз з'яўляецца паслом у Сэрбіі?
0
Ігар / Адказаць
04.01.2008 / 23:42
Блізкім часам працэс "вызваленьняў" прадоўжыцца: Куба (Палуян), Францыя (Шых), Бэльгія (Сянько), мажліва і іншыя... Мяняюць як кадравых дыпляматаў (Лазерка, Каралёў, Палуян, Сянько, Шых), так і апаратчыкаў (Мазай, Мацкевіч), як тых, хто быў надта доўга, так і тых, хто прабыў за мяжой тры-чатыры гады. Самае цікавае пытаньне: хто прыйдзе ім на замену?
0
Vagant / Адказаць
05.01.2008 / 09:38
Дзеля справядлівасьці варта нагадаць, што Ніна Мікалаеўна Мазай на дыпламатычнай працы ўжо 15 гадоў. Ды і па ўзросту ўжо далёка ня маладзіца. Але гэта далёка ня самы горшы "твар" Беларусі за мяжой, хутчэй наадварот.
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру