30.12.2014 / 19:29

Расіяне-браканьеры арганізавалі ў беларускай зоне радыяцыйнага забруджвання загоннае паляванне 6

Работнікі ўпраўлення аператыўнага рэагавання Дзяржаўнай інспекцыі па ахове жывёльнага і расліннага свету на тэрыторыі Касцюковіцкага раёна (Магілёўская вобласць) затрымалі 11 грамадзян Расіі. 

Як паведамляе Дзяржаўная інспекцыя па ахове жывёльнага і расліннага свету, 26 снежня расіяне палявалі ў забароненым месцы — у зоне адсялення і адчужэння. У парушальнікаў канфіскаваныя тры паляўнічыя карабіны і восем стрэльбаў, там жа на месцы палявання знойдзена незарэгістраваная стрэльба. Вырашаецца пытанне аб распачынанні крымінальнай справы за незаконнае паляванне. Жыхары РФ арганізавалі на тэрыторыі Беларусі загоннае паляванне. Прыехалі ў «зону адчужэння» на машынах і конях. 

Гэта не першы выпадак браканьерства расіянамі на беларускай тэрыторыі, у тым ліку забруджанай радыенуклідамі. Так, у красавіку 2014 года п'яныя расіяне, якія прыехалі ў Беларусь на паляванне, спрабавалі схавацца ў Лоеўскім раёне ад супрацоўнікаў ДАІ. Падчас затрымання яны пратаранілі службовы аўтамабіль міліцыі. 

У 2013 годзе жыхары суседняй краіны ўчынілі бойку і пагоню з інспектарамі аховы прыроды ў Гомельскай вобласці. Расіяне застрэлілі ў зоне адчужэння і адсялення лася і кабана, а затым аказалі жорсткае супраціўленне работнікам аховы прыроды. Снегаход браканьераў быў пашкоджаны, таму яны паспрабавалі завалодаць службовым. На двух мужчын былі надзеты наручнікі. Два інспектары засталіся ахоўваць затрыманых, а двое другіх паехалі сустракаць аператыўна-следчую групу. Праз некаторы час на месца затрымання прыехалі саўдзельнікі затрыманых. У выніку адзін з затрыманых уцёк. За незаконнае паляванне ў зоне радыяцыйнага адчужэння браканьер-расіянін быў прыгавораны да двух з паловай гадоў пазбаўлення волі з адбываннем пакарання ў калоніі агульнага рэжыму.

Хочаш падзяліцца важнай інфармацыяй ананімна і канфідэнцыйна?

0
кот / Адказаць
30.12.2014 / 19:51
Мутанты палююць на ... звяроу
0
Дмитрий / Адказаць
30.12.2014 / 20:33
- Почему россияне охотятся в чернобыльской зоне? - А они хотят шубу для тёщи сшить!
0
Верны / Адказаць
30.12.2014 / 22:13
Рускія.
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру