05.01.2015 / 16:32

У судзе над кнігарняй «логвінаЎ» абвешчаны перапынак да пятніцы 11

Сёння а 15-й гадзіне ў Эканамічным судзе Мінска распачаўся працэс над кнігарняй «логвінаЎ». 

Пасяджэнне, падчас якога падатковая служба выставіла прэтэнзіі ўласніку кнігарні Ігару Логвінаву, доўжылася каля 50 хвілін. Яно праходзіла ў кабінеце суддзі Сяргея Кулакоўскага, таму змясціцца там маглі толькі 2—3 чалавекі з прысутных. Падтрымаць уласніка кнігарні прыйшлі каля трыццаці чалавек, сярод іх выдатны пісьменнік Уладзімір Арлоў, перакладчык Лявон Баршчэўскі, прадстаўнік грамадскай кампаніі «Гавары праўду» Андрэй Дзмітрыеў. 

У судзе абвешчаны перапынак да пятніцы, 9 студзеня. 

У судзе разглядацца адміністратыўная справа па незаконнай прадпрымальніцкай дзейнасці кнігарні «логвінаЎ». Па словах Ігара Логвінава, яму пагражае штраф у 500 базавых велічынь (90 мільёнаў рублёў) з канфіскацыяй даходу, атрыманага ў выніку такой дзейнасці, альбо без канфіскацыі, альбо з пазбаўленнем права займацца вызначанай дзейнасцю.

Як пісалася раней, культавы інтэлектуальны адрас беларускай сталіцы аказаўся пад пагрозай знікнення.

Пазапланавая падатковая праверка прыйшла ў кнігарню «логвінаЎ» у пачатку снежня. Памяшканне апячаталі, а дакументацыю ўзялі на вывучэнне. Па выніках праверкі кнігарню распячаталі. Але вынеслі суровае пакаранне за працу без ліцэнзіі Міністэрства інфармацыі. Па выніках праверкі кнігарню аштрафавалі амаль на 1 мільярд рублёў.

Сяргей Макарэвіч, фота Сяргея Гудзіліна

Хочаш падзяліцца важнай інфармацыяй ананімна і канфідэнцыйна?

0
сам токойже / Адказаць
05.01.2015 / 16:48
Вершина идиотизма! Находится под колпаком и год!!! работать без лицензии может только гений. Боюсь, что штрафа не миновать и возможно насчитают больше. Извините.
0
кот / Адказаць
05.01.2015 / 17:22
выдатны пісьменнік Уладзімір Арлоў... http://www.livejournal.com/magazine/578619.html
0
Рубон / Адказаць
05.01.2015 / 19:25
2 самтокойже Па-першае, ліцэнзія на гандаль кнігамі - гэта прыдуманы нядаўна беларускі ідыятызм (яны кнігі прыраўналі да зброі і небясьпечных рэчываў!) Паводле клясычнага права акты, якія пагаршаюць становішча, зваротнай сілы ня маюць. А кнігарня "Ў" існавала да іхняй ідыёцкай прыдумкі некалькі гадоў. Па-другое, Логвінаў. пачынаючы з красавіка-месяца 6 разоў падаваў дакумэнты на гэтую "ліцэнзію". І ўвесь час яму адмаўлялі: кегль шрыфта ў заяве быў ня той. паштовы індэкс не супадаў і г.д.
Паказаць усе каментары/ 11 /
Каб пакінуць каментар, калі ласка, актывуйце JavaScript у наладах свайго браўзеру