18.01.2015 / 20:59

Мітрапаліт Павел: «Тэма самакіраванасці БПЦ здымаецца з парадку дня» 72

«Тэма самакіраванасці БПЦ здымаецца з парадку дня на 25—50 гадоў», — заявіў мітрапаліт Павел у эфіры АНТ.

Па ягоных словах, беларускія святары, якія выступалі за самакіраванасць царквы, так і не змаглі патлумачыць сваю мэту.

«На фоне таго, што адбываецца ў Еўропе і ў свеце, гэтая думка гучыць неяк тэндэнцыйна. У мяне склалася ўражанне, што гэтую ідэю спецыяльна сюды падкінулі і яна сёння як ніколі не ў час прагучала», — патлумачыў Павел.

«Я павінен абсалютна афіцыйна сказаць, што ўвесь ажыятаж і шум нічога, апроч шкоды, не прынёс. Пажаданне з боку мінскай епархіі выклікала хвалю абурэння з боку агромністай колькасці людзей», — пракаментаваў сітуацыю ён.

«Я прыняў рашэнне гэтае пытанне зняць з парадку дня. Давайце перастанем абмяркоўваць гэтую тэму. Гэтае пытанне трэба на неабмежаваны тэрмін закрыць. Тэма здымаецца з парадку дня, і мы бліжэйшыя 25—50 гадоў да яе вяртацца не будзем», — падсумаваў Павел.

* * *

Мітрапаліт Павел будзе ставіць пытанне пра самакіраванасць БПЦ, епархіяльны сход сустрэў ягоную заяву авацыяй

0
belariy / Адказаць
18.01.2015 / 21:03
капец. фігу масква сама нас адпусьціць.
0
а то! / Адказаць
18.01.2015 / 21:05
Пра самастойнасьць БПЦ не прысланым з масквабада казачкам вырашаць! І гэтыя тэрміны засуньце сабе куды даспадобы будзе!
0
папагена / Адказаць
18.01.2015 / 21:10
"Парадак дня". Усё гэта патыхае нейкай паскуднай "камбінацыяй" 😒 Правакавалі? Выкрывалі "недабранадзейных"?
Паказаць усе каментары/ 72 /
Каб пакінуць каментар, калі ласка, актывуйце JavaScript у наладах свайго браўзеру