Міністр адукацыі: Гісторыю Беларусі і геаграфію ў школах трэба вывучаць па-беларуску
Такое меркаванне выказаў сёння на прэс-канферэнцыі міністр адукацыі Міхаіл Жураўкоў.
Наконт пытання вывучэння гісторыі і геаграфіі на беларускай мове міністр правядзе нараду з педагагічным актывам Беларусі.
Плануецца, што пасяджэнне пройдзе да канца студзеня, у ім возьмуць удзел прадстаўнікі навучальных устаноў усіх рэгіёнаў краіны, аўтарскіх калектываў, якія працуюць над стварэннем навучальных комплексаў, а таксама вучнёўскіх радаў.
«Вывучаць геаграфію і гісторыю Беларусі, вядома ж, трэба на беларускай мове. Я мяркую, што паступова самі дзеці прыйдуць да таго, што захочуць вывучаць палову ці большую частку прадметаў агульнаадукацыйнай школы на беларускай мове. Толькі праводзіць гэты працэс педагог павінен акуратна, з любоўю да мовы і разуменнем дзіцячай псіхалогіі», — сказаў міністр.
«Мы праводзілі ў БДУ спецыяльнае пасяджэнне і анкетаванне студэнтаў, педагогаў, супрацоўнікаў па вывучэнні магчымасцяў выкладання прадметаў на беларускай мове. Выказванні былі як «так», так і «супраць». А гэта значыць, што тым, хто хоча вывучаць сваю спецыяльнасць на беларускай, трэба даць гэтую магчымасць», — лічыць Міхаіл Жураўкоў.
Міністр падкрэсліў, што размаўляць на роднай мове павінен кожны паважаючы сябе беларус.
«У гэтым няма сумневу. Але пры гэтым мы павінны разумець, што ў Беларусі шмат рускамоўных жыхароў, і працэс вывучэння імі беларускай мовы павінен быць паступовым і якасным», — рэзюмаваў Міхаіл Жураўкоў.
Асуджаны за «Гаюн» да хіміі брат Ігара Лосіка ўцёк з Беларусі1
Каментары