11.01.2008 / 11:41

Беларускага журналіста судзяць за дацкія карыкатуры абноўлена 12.55 4

Пачаўся судовы працэс у справе былога намесьніка галоўнага рэдактара газэты «Згода» Аляксандра Зьдзьвіжкова. Яго абвінавачваюць у парушэньні артыкулу 130 ч 1. КК «Распальваньне рэлігійнай варажнечы». Працэс вядзецца ў закрытым рэжыме.


Аляксандар Зьдзьвіжкоў

Пачаўся судовы працэс у справе былога намесьніка галоўнага рэдактара газэты «Згода» Аляксандра Зьдзьвіжкова. Яго абвінавачваюць у парушэньні артыкулу 130 ч 2. КК «Распальваньне рэлігійнай варажнечы». Працэс вядзе судзьдзя Руслан Аніскевіч, ён вёў крымінальны працэс пяці «маладафронтаўцаў» у траўні.

Зьдзьвіжкоў ад 18 лістапада 2007 г. знаходзіцца пад вартай у сьледчым ізалятары КДБ, дзе яму не дазвалялі сустрэцца з адвакаткай Марыяй Аляксандравай. Яго арыштавалі тады, калі ён з‑за мяжы прыехаў адведаць магілу бацькі ў Барысаў. Паводле інфармацыі сваякоў Зьдзьвіжкова, ён хаваўся ў манастыры ці то ў Расеі, ці ва Ўкраіне.

Крымінальная справа супраць журналіста была заведзена ў 2006 годзе па факце перадруку ў газэце «Згода» карыкатур на прарока Мухамэда з дацкай прэсы. Па гэтым артыкуле яму можа пагражаць да 10 гадоў зьняволеньня.

Амаль адразу Аляксандар Зьдзьвіжкоў заявіў хадатайніцтва аб адводзе судзьдзі, які нібыта дапамае пракарутары перасьледваць яго як праваслаўнага верніка.

Падчас перапынку ўсіх папрасілі пакінуць залю. Калі ж журналісты апоўдні зазірнулі ў яе, аказалася, што працэс працягваецца ў закрытым рэжыме, і ў залю ўжо нікога не пусьцілі. Журналісты спрабавалі атрымаць афіцыйнае пацьверджаньне таго, што працэс закрыты. Старшыня суд Міхаіл Ардзяка падтрымаў прэсу.

Судзьдзя Аніскевіч перапапрасіў журналістаў за тое, што не аб'явіў ім пра тое, што працэс закрыты. Выніковая частка прысуду будзе абвешчана публічна.

Рашэньне задаволіць хадайніцтва дзяржабвінаваўцы пра перавод працэсу ў закрыты рэжым суд патлумачыў тым, што інфармацыя з працэсу, якая патрапіць у прэсу, можа абразіць пачуцьці мусульман.

Працэс над Аляксандрам Зьдзьвіжковым працягнецца ў панядзелак 14 студзеня.

Зьміцер Панкавец

Фота Юліі Дарашкевіч

0
omu / Адказаць
11.01.2008 / 11:49
Ну гэта ужо занадта... Які крымінал, адкуль крымінал?!! Вышук, арэст, суд, быццам злодзей які... Бязумоўна, працэс цікавы й паказальны, хай зробяць экспэртызу і сапраўды дакажуць "распальваньне", але чалавека шкада.
0
Сяржук / Адказаць
11.01.2008 / 14:19
Няпраўда, яго судзяць па ч.2 арт 130 КК! А гэта - ад 3 да 10 год пазбаўленьня волі!
0
Ліс / Адказаць
11.01.2008 / 17:06
Ну-ну, абразіць пачуццці масульман страшэнны грэх, а абражваць пачуцці беларусаў магчыма і на СМІ. Каланіяльная улада, каланіяльны суд.
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру