11.01.2008 / 14:10

Лябедзьку далі 15 сутак Абноўлена 7

У Маскоўскім судзе Шыла, Сьцепаненка і Багдановіч асуджаныя на 15 сутак. У Цэнтральным судзе адвакатка затрыманых 10 студзеня моладзевых актывістаў Вера Страмкоўская запатрабавала выклікаць хуткую дапамогу ў суд.

Усе асуджаныя, акрамя Анатоля Шумчанкі і Анатоля Лябедзькі, якім далі па 15 сутак, абвесцілі галадоўку, паведамляе Радыё Рацыя

* * *

У Маскоўскім раённым судзе Менску пачалі судзіць удзельнікаў учорашняй акцыі прадпрымальнікаў

Уладзімер Шыла, Аляксандар Сьцяпаненка і Раман Багдановіч ўжо асуджаныя на 15 сутак адміністрацыйнага арышту. Шыла таксама аштрафаваны на 50 базавых велічыняў (адзін мільён 750 тысяч рублёў). Ён асуджаны «за ўдзел у несанкцыянаванай акцыі і хуліганства».

У будынку суду вывесілі сьпіс асобаў, якіх будуць судзіць сёньня.

Гэта 16 чалавек: Шыла, Лябедзька, Лындула, Шумчанка, Жабароўскі, Чарнышоў, Міхайлаў, Важакоў, Вінаградаў, Баразенка, Зорка, Кар’яновіч, Клюеў, Багдановіч, Сьцепаненка, Паркун (у сьпісе, што вісіць у судзе, імёны не пазначаныя).

Алесь Дашчынскі, Радыё Свабода

Адвакатка затрыманых 10 студзеня моладзевых актывістаў Вера Страмкоўская запатрабавала выклікаць хуткую дапамогу ў суд Цэнтральнага раёну. Цяпер у суд дастаўленыя пяцёра актывістаў, ва ўсіх ёсьць траўмы і пашкоджаньні. У Тацяны Цішкевіч падазрэньні на чэрапна‑мазгавую траўму, у Арсеня Пахомава — аўтара шматлікіх фотарэпартажаў, сьляды зьбіцьця на твары, у Юрыя Каксюка зламаная рабрына, моцна зьбітыя Міхаіл Пашкевіч і Міхаіл Крываў. Усе яны правялі ноч у прымальніку‑разьмеркавальніку на Акрэсьціна.

* * *

Стала вядома таксама, што 15 сутак арышту атрымаў яшчэ адзін затрыманы — Арсень Пахомаў.

www.ucpb.org

0
Антон / Адказаць
11.01.2008 / 14:55
Народ, кто что знает про Артема Дубского из Осипович. Он был с ребятами на Октябрьской во время задержания. Кого доставили в больницу?Откликнитесь, кто знает.
0
zhelezko / Адказаць
11.01.2008 / 15:31
Няма словаў
0
siabra / Адказаць
11.01.2008 / 16:00
toe shto ja zabachyl u chora pad chas toj akcji, velmi miane urazila. meu urazanne shto trapil u dzungli, \\\"milicja\\\" jak dzichyna kidalasia na ludziej, ja mocna perazyvaju za hetyx maladyx ludzej shto trapili da areshtu, jak z imi mozna zviazacca, padtrymac. dajce kalilaska znac...
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру