фота ТАСС
Кіраўнік самаабвешчанай «Данецкай народнай рэспублікі» Аляксандр Захарчанка пацвердзіў пачатак наступу падраздзяленняў сепаратыстаў на Марыупаль. Пра гэта 24 студзеня паведамляе «Інтэрфакс».
«Мы пачалі наступ на Марыупаль. А праз некалькі дзён мы закрыем дэбальцаўскае кола і адпомсцім за ахвяраў, якія загінулі ў Данецку і Горлаўцы», — сказаў Захарчанка на цырымоніі ўскладання кветак на месцы гібелі людзей ля прыпынку грамадскага транспарту ў Данецку.
Міністр абароны Украіны Сцяпан Палтарак заявіў раней у суботу, што практычна па ўсёй лініі фронту ўкраінскія сілы адсочваюць агнявыя пазіцыі праціўніка і наносяць ўдары ў адказ. Паводле яго слоў, праціўнік ўкраінскіх войскаў «кожны дзень нарошчвае намаганні і спрабуе выйсці ў раён Дэбальцава». Ён таксама распавёў, што сепаратысты сцягваюць да Марыупаля дадатковыя сілы, у прыватнасці, сістэмы залпавага агню.
Раніцай у суботу ўсходняя ўскраіна Марыупаля пра абстрэле з сістэм залпавага агню «Град». Па апошніх дадзеных, загінулі 27 мірных жыхароў, некалькі дзясяткаў чалавек былі параненыя..