Яніс Варуфакіс. Фота valvetimes.com
Калі прафесару Варуфакісу прыйшоў ліст ад стваральніка Valve Гейба Ньюэла, ён ледзь не выдаліў паведамленне пасля першых радкоў. Але вырашыў дачытаць — і пагадзіўся кансультаваць стваральнікаў культавай «стралялкі» Half-Life і анлайн-сэрвісу па продажы гульняў Steam.
У той час Valve абмяркоўвала праблему звязвання эканомік двух віртуальных асяроддзяў, стварэння супольнай валюты, вырашала задачу балансу плацяжоў, распавёў Ньюэл. Ён быў чытачом блога эканаміста і зразумеў, што іх праблема «гэта ж як Германія і Грэцыя». Пасля некалькіх сустрэч Варуфакіс стаў эканамістам кампаніі.
У 2015 годзе Варуфакіс быў абраны ў парламент Грэцыі ад леварадыкальнай партыі Сірыза, што атрымала 149 з 300 крэслаў. З 27 студзеня Варуфакіс — міністр фінансаў Грэцыі, што знаходзіцца на мяжы дэфолту.
The Telegraph заўважае, што Варуфакіс прытрымліваецца левых поглядаў, але відавочна не экстрэміст.
***
На сёння сэрвіс Steam кампаніі Valve мае 100 мільёнаў актыўных карыстальнікаў, больш за 3700 гульняў у асартыменце і блізу 75% рынку анлайн-продажаў гульняў.
Чытайце таксама: Сірыза зможа блакаваць у ЕС ініцыятывы па стрымліванні Пуціна і правах чалавека ў Беларусі
