27.01.2015 / 15:29

Лукашэнка: Абстаноўка няпростая 8

Абстаноўка зараз няпростая, але не катастрафічная і нават не крытычная. Гэта адзначыў Аляксандр Лукашэнка сёння ў ходзе кадравых прызначэнняў.

Кіраўнік дзяржавы адзначыў: «Сказаць, што вы прыходзіце на кіруючыя пасады ў няпросты час, гэта значыць, не сказаць нічога. Час вельмі складаны як з пункту гледжання эканомікі, так і ў палітычным сэнсе.

Яшчэ раз падкрэслю, што мы да гэтага часу, як і многія нашы суседзі, ды і іншыя дзяржавы, не выйшлі з таго эканамічнага крызісу, які здарыўся ў свеце.

Мы не кінулі нашу дзяржаву ў вір таго крызісу, хоць прапаноўвалі шмат: ну, акунулася ўся эканоміка, паляцела на дно, давайце і мы следам, тады будзем адтуль спакойна падымацца, як іншыя. мы пайшлі іншым шляхам, стрымлівалі наступ гэтага крызісу, усяляк абаранялі людзей і, натуральна, што мы вельмі мякка ўваходзілі ў гэты крызіс. А зараз у сувязі з тым, што тэрмін гэты расцягнуўся, нам даводзіцца доўгі час і выходзіць з гэтага крызісу.

Усё б было нічога, мы нібы намацалі той шлях, па якім павінны былі ісці. Але ўзніклі знешнія абставіны, у канцы мінулага года асабліва — абвал расійскага рынку, абвал расійскай валюты, а гэта палова нашага экспарту, сур'ёзна паўплываў на нашу эканоміку».

Лукашэнка запэўніў, што мы абавязкова пераадолеем гэтыя крызісныя з'явы. Паводле яго слоў, разгарнулася вельмі сур'ёзная работа па дыверсіфікацыі рынкаў збыту беларускіх тавараў. «Абноўлены ўрад сур'ёзна працуе ў гэтым кірунку. Але тут мы нічога не зробім без вашай працы на месцах. Бо ўсё, што прыносіць карысць дзяржаве, шчасце народу, багацце гэтай дзяржавы ствараецца там, куды вы прыйдзеце заўтра працаваць», — падкрэсліў кіраўнік дзяржавы.

Аляксандр Лукашэнка таксама сказаў: «Становішча няпростае, але не катастрафічнае і нават не крытычнае.

Стаўце перад сваімі падначаленымі пэўныя задачы і дамагайцеся іх выканання. Без усякай дуры, без усялякіх наскокаў, не трэба размахваць шашкамі, не трэба нічога прыдумляць. Памятаеце, што ў вас у падначаленні такія ж людзі, як вы самі, з такімі ж сем'ямі, якім яны павінны надаваць увагу».

Хочаш падзяліцца важнай інфармацыяй ананімна і канфідэнцыйна?

0
неглупаўцы / Адказаць
27.01.2015 / 15:53
У Органчіка пара змяніць пласцінку. Пра ўсямірны крызіс ужо даўно састарэла.
0
Хемуль / Адказаць
27.01.2015 / 16:34
Вот сколько себя помню, у нас всегда была обстановка непростая и цены росли беспрерывно с кризисом и без кризиса, а ведь могли бы уже быть в ЕС, где из-за кризиса цены снижаются, а банковские кредиты стремятся к 0%
0
Мордехай В. / Адказаць
27.01.2015 / 16:42
Каровіно лайно як эканамічная парадыгма, не гнаць хвалю каб у ім не захлынуцца як стратэгія.
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру