27.01.2015 / 16:34

Стан паветра ў Мінску стабільна добры 2

Стан атмасфернага паветра ў Мінску ацэньваецца як стабільна добры. Аб гэтым паведаміў на пасяджэнні калегіі, прысвечанай вынікам работы Мінскага гарадскога камітэта прыродных рэсурсаў і аховы навакольнага асяроддзя за 2014 год і задачах на 2015-ы, старшыня камітэта Аляксандр Баравікоў.

«Па выніках 2014 года стан атмасфернага паветра ў Мінску ацэньваецца як стабільна добры. Практычна па ўсіх паказчыках якасць паветра ў сталіцы лепшая, чым у абласных цэнтрах. Асаблівую заклапочанасць выклікае забруджванне дробнадысперсным пылам ПМ10, свой уклад уносіць і пыл з будпляцовак», — сказаў Аляксандр Баравікоў.

У мінулым годзе мінскія прадпрыемствы выкінулі ў паветра не больш як 25,1 тыс. т забруджвальных рэчываў. Такі ж паказчык быў і ў 2013 годзе, у 2012-м ён склаў 26 тыс. т. Транспарт, які з'яўляецца важнейшай крыніцай забруджвання паветра (больш як 85 працэнтаў выкідаў), у мінулым годзе выкінуў амаль 160 тыс. т. Гэта значыць усяго ў сталіцы ў паветра было выкінута прыкладна 185 тыс. т забруджвальных рэчываў. Для параўнання: у 2008-2009 гадах гэта лічба набліжалася да 250 тыс. т.

Хочаш падзяліцца важнай інфармацыяй ананімна і канфідэнцыйна?

0
Лявон / Адказаць
28.01.2015 / 23:35
Гэта вельмі "добра" у паветра усяго ж толечкі 185 тысяч тон забруд.рэчау.Якая лічба? Каля трактарнага завода мабыць лятае уся табліца Мендзялеева,вокны нельга адчыніць,затое на лістах бумагі у нас усе "добра". Спадар Баравікоу магчыма там не жыве,няведае,ці небывае у тых мясьцінах? Калі ласка! Спытайце жыхароу гэтага мястэчка,што яны вам адкажуць?
0
321-бах / Адказаць
03.02.2015 / 14:58
Вы на на Ваупшасава каля маторнага заводу дауно былі? Прыяжджайце панюхайце ваш "стабільна добры" стан.
Каб пакінуць каментар, калі ласка, актывуйце JavaScript у наладах свайго браўзеру