27.01.2015 / 17:31

NASA зэканоміць па 13 млн даляраў на кожным палёце да МКС без Раскосмаса 2

Праграма пілатаваных запускаў NASA супольна з прыватнымі кампаніямі SpaceX і Boeing стартуе ў 2017 годзе, піша ABCNews са спасылкай на Associated Press.

Падрыхтоўка да запуску Dragon. Фота: SpaceX

Менеджар касмічнай праграмы NASA Кэці Людэрз распавяла, што прыкладная цана адпраўкі астранаўта на МКС на караблях SpaceX Dragon і Boeing CST-100 складзе 58 млн даляраў. Тым часам Раскосмас бярэ па 71 млн за дастаўку астранаўта на арбіту.

«Я нават не хачу больш ніколі падпісваць рахунак расійскаму касмічнаму агенцтву пасля 2017 года», — заявіў Чарльз Болдэн, галава NASA і былы пілот Шатла.

NASA карысталася расійскімі паслугамі з 2011 года пасля завяршэння 30-гадовай праграмы Space Shuttle. У 2014 годзе віцэ-прэм’ер Расіі Дзмітрый Рагозін праз украінскі канфлікт параіў амерыканцам карыстацца батутамі, калі Расія раптам адмовіцца дастаўляць астранаўтаў караблямі «Саюз».

Караблі «Саюз» умяшчаюць тры чалавекі, палепшаная версія карабля Dragon зможа дастаўляць да шасці чалавек і грузы. Акрамя таго, кампанія SpaceX спрабуе зрабіць шматразовымі не толькі караблі, але і ракеты, што значна зменшыць кошт запускаў. Раскосмас тым часам, хутчэй за ўсё, адмовіцца ад амбіцыёзнай луннай праграмы.

Хочаш падзяліцца важнай інфармацыяй ананімна і канфідэнцыйна?

Аляксандр Арсёнаў

0
шуруп / Адказаць
27.01.2015 / 17:36
РосКосмос: "Отморожу уши назло маме!"))))))))
0
Scooter / Адказаць
27.01.2015 / 17:47
Яшчэ ні факт, што за 2 гады яны зробяць тое, што запланавалі. А таксама ні факт, што кошт будзе такім, якім яны яго палічылі, звычайна ён значна ўзрастае на фінальнай стадыі.
Каб пакінуць каментар, калі ласка, актывуйце JavaScript у наладах свайго браўзеру