Адзіная валюта ў Еўразійскім эканамічным саюзе з'явіцца яшчэ вельмі не хутка, паведаміў Аляксандр Лукашэнка.
«Мы з калегамі па ЕАЭС толькі абмяркоўвалі пытанне адзінай валюты, сёння гэтае пытанне ў парадку дня не стаіць», — сказаў ён.
Лукашэнка адзначыў, што ў якасці адзінай валюты не абавязкова можа быць прыняты расійскі рубель. «Можа быць, не расійскі рубель, але нейкая іншая валюта. Але не думаю, што гэта будзе заўтра і пры маім прэзідэнцкім жыцці», — падкрэсліў ён.
Кіраўнік дзяржавы растлумачыў, што для ўвядзення адзінай валюты неабходна вырашыць цэлы комплекс эканамічных пытанняў, у тым ліку і тыя, якія ў рамках ЕАЭС былі адкладзеныя да 2025 года.
«Таму яшчэ вельмі не хутка мы дойдзем да адзінай валюты», — сказаў ён.
0
0
0
0
0
0