02.02.2015 / 20:27

Сурок Філ прадказаў доўгую зіму 4

AP

Амерыканскі сурок Філ прадказаў, што зіма будзе доўжыцца яшчэ шэсць тыдняў.

Жывёла, якая жыве ў горадзе Панксатоні (штат Пенсільванія), вылезла з нары, але спалохалася, убачыўшы свой цень. Паводле традыцыйных уяўленняў, такія паводзіны жывёлы азначае, што зіма будзе доўгай. Сурок вылез з нары у 7:25 раніцы па мясцовым часе.

У мінулым годзе Філ таксама спалохаўся свайго ценю і схаваўся ў нару. У 2013 годзе з-за пахмурнага надвор'я сурок не ўбачыў ценю, тым самым прадказаўшы ранні прыход вясны.

Дзень сурка штогод адзначаецца ў ЗША і Канадзе 2 лютага.

Сурок Філ з Панксатоні лічыцца самым знакамітым прадракальнікам надвор'я ў ЗША. Філ робіць свае прагнозы з 1887 года, пры гэтым толькі 17 раз сурок прадказаў наступ ранняй вясны. Штогод паглядзець на Філа ў горад прыязджаюць каля 30 тысяч чалавек.

Філ робіць памылковыя прадказанні ў 60 працэнтах выпадкаў.

У Нацыянальным цэнтры кліматычных звестак ЗША, даследаваўшы прагнозы Філа, афіцыйна заявілі аб іх недакладнасці і падкрэслілі, што сурок «не валодае здольнасцямі прадказальніка».

А вось украінскія суркі і скунсы, наадварот, прадказваюць ранні прыход вясны.

0
R / Адказаць
02.02.2015 / 22:42
насурочыў
0
Стась / Адказаць
02.02.2015 / 23:08
У нас (Ветрына, Фарынава, Загацьце, Бабынічы, Забораўна ...) гэтую жывёліну называлі байбак. І пра тоўсьценькага невысокага чалавека маглі сказаць, што ён байбак. Во, адляжаўся (адкарміўся), як байбак.
0
Mihas Baranik / Адказаць
03.02.2015 / 01:18
Шаноуны Стась, слова " байбак " літаратурнае. Відаць яшчэ вельмі доуга чакаць таго часу, калі мы пабачым й пачуем САПРАУДНУЮ (!) нашую мову, а ні кшталту " сурок ", " звязду " і г. г. далей.
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру