Як паведамілі ў ГУУС Мінгарвыканкама, пасля таго, як шэраг сайтаў выставіў відэа нападу на дзяўчыну, у міліцыю звярнуўся мінчук. Ён расказаў пра асобу меркаванага злодзея. Інфармацыю праверылі, а затым затрымалі і нападніка.
Нагадаем, уначы 16 студзеня ў міліцыю звярнулася дзяўчына. Яна патлумачыла, што каля 3 гадзіны праходзіла каля станцыі метро Пятроўшчына, калі на яе наляцеў мужчына. Ён паспрабаваў вырваць сумачку, але з першага разу выхапіць яе не атрымалася. Дзяўчына пабегла ў падземны пераход, а злодзей за ёй. Мужчына зноў схапіў яе за сумачку, дзяўчына павалілася, а з ёй і сумачка. Злодзею давялося вярнуцца, каб падабраць «аб’ект» увагі.
0
0
0
0
0
0
