03.02.2015 / 18:54

Сетка «Еўраопт» адкрыла бясплатныя аўтобусныя маршруты для сельскіх жыхароў 2

За некалькі тыдняў студзеня найбуйнейшы беларускі рытэйлер — гандлёвая сетка «Еўраопт» — у дзесяці раёнах Беларусі адкрыў 16 бясплатных аўтобусных маршрутаў. Яны дастаўляюць жыхароў аддаленых вёсак у раённыя цэнтры — проста да крам «Еўраопт».

Фірмовыя аўтобусы з'явіліся ў Браславе, Ветцы, Ельску, Хойніках, Нароўлі, Слоніме, Валожыне, Уздзе, Старых Дарогах, Клімавічах. Працуюць маршруты ад двух да чатырох раз на тыдзень, а за дзень, як правіла, аўтобусы паспяваюць здзейсніць тры рэйсы. Праезд у раённы цэнтр для вяскоўцаў бясплатны.

Штодня аўтобусы сеткі «Еўраопт» перавозяць каля 550 пасажыраў. На маршрутах працуюць машыны маркі «Радзіміч» беларускай вытворчасці змяшчальнасцю 40 чалавек.

Генеральны дырэктар сеткі «Еўраопт» Філіп Арцёменка падкрэсліў, што ініцыятыва кампаніі носіць, перш за ўсё, сацыяльны характар. «Гэта наш жэст добрай волі для вяскоўцаў, калі хочаце — сацыяльны праект, якім мы не толькі паляпшаем гандлёвае абслугоўванне ў вёсках, але і проста робім жыццё ў вёсцы трохі больш прыемным і камфортным», — адзначыў кіраўнік кампаніі.

Па словах Філіпа Арцёменкі, сетка «Еўраопт» і надалей гатовая актыўна працаваць у вёсцы. Як неаднаразова падкрэслівалася, пры наяўнасці замовы з боку мясцовай улады стацыянарныя крамы могуць быць пабудаваныя ў вёсках з насельніцтвам ад 500 чалавек, а ў астатніх населеных пунктах гандлёвае абслугоўванне можа быць забяспечана з дапамогай аўтакрам. Праграма падвозу пакупнікоў з сельскай мясцовасці дазволіць жыхарам беларускай глыбінкі лепш адчуць перавагі сучаснага гандлёвага сэрвісу, узмоцніць канкурэнцыю ў сферы мясцовага рознічнага гандлю.

Як паведаміў Філіп Арцёменка, на сённяшні момант кампаніяй распрацоўваюцца новыя маршруты па сельскіх населеных пунктах у розных рэгіёнах краіны, якія могуць быць адкрытыя ўжо ў бліжэйшы час.

0
Сергей / Адказаць
04.02.2015 / 08:21
Отличная новость! Молодцы. Быстрее развалится бандитский Белкоопсоюз с их бешеными ценами
0
Лявон / Адказаць
12.02.2015 / 07:38
Прыемна было пачуць,падтрымліваю! Гэта лепш,чым ауталаука са сьвістам возіць харчы вяскоуцам ды такое, што кот не хоча есьць.Няхай не крыудзяцца,што так кажу,сам бачыу. Такім чынам вясковец возьме ужо усе тое,што яму спадабаеца. Добрая прапанова і учынак крамы. Купляйце калі ласка нашае-беларускае,яно лепшае ,чым расейскае. Жыцце паказала!
Каб пакінуць каментар, калі ласка, актывуйце JavaScript у наладах свайго браўзеру