05.02.2015 / 20:32

На мінскай прэм'еры «Левіяфана» аншлаг і ажыятаж 16

5 лютага ў мінскіх кінатэатрах пачаліся паказы нашумелага расійскага фільма. У прэм'ерны дзень касіры распавялі «Салідарнасці» пра тое, як раскупляюцца білеты.

Карціну, што прэтэндуе на «Оскар», будуць паказваць у кінатэатрах «Цэнтральны», «Беларусь», «Сільвер скрын» і Доме кіно.

— На сёння ўсе квіткі прададзеныя. Актыўна купляюць на заўтрашнія сеансы, а ў выходныя дні залы гарантавана будуць поўнымі, — распавялі ў кінатэатры «Цэнтральны».

Суразмоўца выказала здагадку, што ажыятаж вакол фільма ў іх, хутчэй за ўсё, захаваецца да канца пракату.

— Улічваючы тое, што фільм у нас будзе дэманстравацца да 11 лютага, думаю, зала будзе заўсёды поўная.

У кінатэатры «Беларусь» распавялі, што і ў іх сёння прададзеныя практычна ўсе білеты — як на прэм'ерны паказ, які пачаўся ў 15:50, так і на два вячэрнія сеансы.

— Шмат тэлефануюць і пытаюцца білеты менавіта на «Левіяфан». На заўтра ўжо большасць білетаў прададзеная. У суботу-нядзелю будуць поўныя залы. Так заўсёды бывае, калі выходзіць фільм, які ўсё чакаюць, — распавялі ў «Беларусі».

Касіреп адзначыла, што, магчыма, пасля выхадных, ажыятаж крыху спадзе (адаб'юцца буднія дні), але ў цэлым цікавасць да фільма, хутчэй за ўсё, захаваецца да канца пракату.

Даведацца пра сітуацыю ў Доме кіно не ўдалося. Там папрасілі патэлефанаваць у касу пазней, бо ля яе сабралася вялікая чарга.

0
Сто пудово / Адказаць
05.02.2015 / 21:10
Всем рекомендую росийский фильм "Дурак". Это Левиафан в кубе... проблема безысходности поднята острее и намного мощнее поставлен вопрос о месте обычного честного человека в современном росийском обществе p.s. не тот фильм поехал за оскором
0
бугага / Адказаць
05.02.2015 / 21:26
Ну, хаця тут.
0
цягнічок / Адказаць
05.02.2015 / 22:44
Так! + фільмы Юрыя Быкава: Дурак Маёр Жыць! Расея як ёсьць, сапраўднае мастацтва!
Паказаць усе каментары/ 16 /
Каб пакінуць каментар, калі ласка, актывуйце JavaScript у наладах свайго браўзеру