05.02.2015 / 20:38

Ігнатавічус: Візавы рэжым ЕС з Беларуссю будзе спрашчацца 5

Візавы рэжым ЕС з Беларуссю будзе спрашчацца. Упэўненасць у гэтым выказаў Надзвычайны і Паўнамоцны Пасол Літоўскай Рэспублікі ў Рэспубліцы Беларусь Эвальдас Ігнатавічус 5 лютага на цырымоніі адкрыцця сэрвісных візавых цэнтраў Літвы ў Беларусі.

«Мы бачым візы як магчымасць новых кантактаў і кантрактаў для бізнесу і культуры, простых жыхароў краіны», - сказаў кіраўнік літоўскай дыпмісіі. На яго думку, 4 цэнтры, якія адкрыліся ў Мінску, Брэсце, Гродне і Гомелі, пашыраць не толькі бізнес-сувязі паміж дзяржавамі, культурнае супрацоўніцтва, але і ў многім будуць садзейнічаць умацаванню рэгіянальных кантактаў. «Думаю, трэба гэты рух заахвочваць. І, на маю думку, мы робім правільныя захады», — падкрэсліў Эвальдас Ігнатавічус.

Ён адзначыў, што па выніках мінулага года назіраецца пяціпрацэнтны рост колькасці выдадзеных віз, а таксама 20-працэнтнае павелічэнне турыстычных паездак беларусаў у Літву. «Беларусы з'яўляюцца чэмпіёнамі шэнгена па паездках», — лічыць дыпламат. Паводле яго слоў, трэба рыхтавацца да новых магчымасцей, удакладніўшы, што мае на ўвазе лібералізацыю візавага рэжыму, а таксама маючае адбыцца ўвядзенне біяметрычных віз пасольствам Літвы ў Беларусі.

Пасол таксама падкрэсліў, што са стварэннем сэрвісных візавых цэнтраў зніклі чэргі на выдачу віз пасольствам Літвы, а таксама праблемы хакерства. «Думаю, новая сістэма будзе празрыстай і эфектыўнай», — дадаў ён. У размове з журналістамі дыпламат адзначыў, што літоўскае пасольства ў многіх выпадках паступова павялічвае колькасць выдаваемых гадавых і двухгадовых віз.

На цырымоніі адкрыцця выступіў таксама прадстаўнік консульскага дэпартамента МЗС Літвы, які расказаў, што цяпер дзейнічае 40 такіх візавых цэнтраў у 9 краінах свету. Паколькі іх стварэнне дало магчымасць удасканаліць сістэму выдачы віз, літоўскі бок пашырае такую практыку.

Сэрвісныя візавыя цэнтры Літвы ў Беларусі працуюць з 9 да 17 гадзін з панядзелка па пятніцу. Стандарты работы цэнтраў ва ўсіх гарадах аднолькавыя. Разам з тым рашэнне аб выдачы або нявыдачы віз прымае толькі консульская служба пасольства Літвы ў Беларусі, а не работнікі візавага цэнтра.

Хочаш падзяліцца важнай інфармацыяй ананімна і канфідэнцыйна?

0
Мікола / Адказаць
05.02.2015 / 21:31
і што тут анансуецца ў артыкуле? новыя пасярэднікі-барыгі, якія нажываюцца на праблемах беларусаў (так, праблема дыктатура, але некаторыя (літоўцы, палякі-беластоццы) тэж маюць з гэтага карысць) ну а фраза пра "беларусаў-чэмпіёнаў па колькасці візаў" - шчыры здзек у вочы, што дзяруць з нас больш за іншых (што не першы раз за гісторыю беларусаў, лёс такі..)
0
NavuchencaBK / Адказаць
05.02.2015 / 22:31
Так Падобную маліну ў якасьці бізнэс-праэкту на Беларусі ўпершыню зрабіў Ян Шадэк, які тады кіраваў швэцкім аддзяленьнем консульска аддзела расейскае амбасады. Гэта сабе апраўдала хвінансава і цяперака нас доюць па гэтаму прыкладу і гішпанцы, і, вунь, ўжо і летувісы. Сябры, адноземцы, ага! Толькі свой і можа абабраць лепш за ворага. Бо ведае, куды лапу працягнуць
0
Мікола / Адказаць
05.02.2015 / 22:55
Хехе, Сямёне, дружа, думаем аднолькава 8-)
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру