Ірына Сакалова была галоўным рэдактарам газет «Фемида» і «Фемида‑Nova», а таксама часопіса «Медиа‑Эксперт», які выдаваўся БАЖ сумесна з расійскім Цэнтрам экстрэмальнай журналістыкі. Акрамя таго, яна была актыўным членам БАЖ і камісіі па этыцы, якая дзейнічае ў рамках асацыяцыі.
«У 1997 годзе я прыйшоў у газету «Фемида‑Nova», і чатыры гады, да спынення выхаду выдання, мы працавалі разам. Потым, калі выданне спыніла выхад, мы працягвалі сябраваць. Пасля знаёмства з Ірынай я зразумеў: добрых людзей менш, чым хацелася б, але больш, чым здаецца, — сказаў А.Бастунец. — У яе было вельмі шмат захворванняў, якія наслаіваліся адно на адно. Летась ёй ампутавалі нагу, і ўжо тады ўрачы казалі, што ўсе ідзе да канца. Але яна яшчэ доўга трымалася».
Пахаванне Ірыны Сакаловай адбудзецца, як мяркуецца, 19 студзеня.