Аўстралію арганізатары вырашылі запрасіць з нагоды юбілею: «Еўрабачанне» пройдзе ў 60-ы раз з 19 па 23 мая ў Вене (Аўстрыя). Такім чынам агульная колькасць удзельнікаў склала 40 краін.
Аўстралія возьме ўдзел адразу ў фінале. Артыст і песня будуць раскрытыя ў хуткім часе.
Жыхары Аўстраліі змогуць галасаваць за ўдзельнікаў «Еўрабачання». Конкурс напраўду цікавіць іх: «Еўрабачанне» ўжо 30 год паказвае аўстралійскі канал SBS.
У 2015 годзе ў конкурс вернуцца Кіпр, Сербія і Чэхія, што раней адмаўляліся ад удзелу. Але 12 іншых краін адмовіліся ад удзелу, у іх ліку Украіна. Беларусь на конкурсе прадставіць дуэт Uzari & Maimuna, яны выступяць у другой частцы першага паўфіналу 19 мая.
0
0
0
0
0
0
