15.02.2015 / 17:58

Мова наша. Типичные ошибки «Нашай Нівы» за февраль — 1 6

Увесь час мы ў «Нашай Ніве» запісваем тыповыя памылкі, якія выпраўляем у артыкулах рэпарцёраў і пазаштатных аўтараў. Гэтую падборку рассылаем супрацоўнікам.

Такім чынам мы стараемся ўзняць культуру мовы.

Праблема ў тым, што са школы і ўнівера людзі выходзяць з нетрывалымі ведамі беларускай. Да таго ж, дамінацыя расейскай мовы ў гарадскім асяроддзі, на радыё і ТВ блытае людзей. Даводзіцца ўвесь час нагадваць правілы.

Мы падумалі, што гэтыя памылкі могуць быць цікавыя і чытачам, якія вучаць мову ці любяць мову. Гэта ж тыповыя выпадкі.

Форма тлумачэння — мінімалістычная.

у СтанькавЕ, у ДэбальцавЕ, у ГроднЕ, у МаладзечнЕ (а не «ў Гродна»)

ЭфіОпія, эфіОп, а не «эфіёп»

аблічбоўка, а не аблічоўка

карДон, а не картон

матраЦ, а не матрас

форумУ ў сэнсе сходу, але форумА ў сэнсе геаграфічнага аб'екта ў Рыме

аналагічна: МайданУ ў сэнсе, сходу, мітынгу, але Майдана ў сэнсе плошчы ў Кіеве

фашызмУ, плацяжУ, сняданкУ (канчатак адзіночнага ліку, роднага склону)

сезонА, клубА (канчатак адзіночнага ліку, роднага склону)

паўтарА месяца (паўтарА з назоўнікамі мужчынскага і ніякага роду, паўтарЫ з назоўнікамі жаночага роду)

2,5 месяцА (канчатак адзіночнага ліку, роднага склону пасля дробаў)

плацЕж, а не плацЁж

нЯдобрасумленны, нЯсвоечасова

крОвападцёк

кіндАр-сюрпрыз, твітАр

камусЬці, штосЬці, дзесЬці

здароЎЕ

дзе-нЕбудзь

узяць удзел лепш, чым прыняць удзел

ЗімбабвЕ

вылЕцеў, вылЕцець

падаражЭць. падаражЭлі

дзіця, а не дзіцёнак, дзіцяці, а не дзіцёнку

аплаДЗІраваць

ЭвЕліна

народны паэт Беларусі — слова «народны» пішам з малой літары

Міністэрства эканомікі, Міністэрства замежных спраў — слова «Міністэрства» пішам з вялікай

разглЕдзець

паўГОДа, а не паўгады

«Радня да паўдня» = ненадоўга сышліся.

«Што гадзіна, то навіна» = пра рэзкія перамены, шараханні, неспадзяванкі, калі шмат навін.

0
Lićvin / Ответить
15.02.2015 / 19:26
Памылак зашмат, ды й ня ўсе вы выпраўляеце.... нажаль. Артыкул пра жабракоў вы так і не зьмянілі...
0
Волька / Ответить
15.02.2015 / 21:24
заўсёды ў дзяцінстве чула : ГЭТКАЕ ДЗЯЦЁНАК!!!
0
n / Ответить
15.02.2015 / 23:31
"ЗімбабвЕ" вы так і вымаўляеце, з мяккім [в'] ? зрэшты, гэта іншая невырашаная праблема арфаграфіі (гл. с_рвіс, бізн_с, с_кс, эн_ргія)
Показать все комментарии/ 6 /
Чтобы оставить комментарий, пожалуйста, активируйте JavaScript в настройках своего браузера