17.02.2015 / 23:53

Пуцін: ЗША пастаўляюць ужо зброю ва Украіну 12

«Што тычыцца магчымых паставак ва Украіну, па-першае, па нашых дадзеных, гэта зброя ужо пастаўляецца. І тут няма нічога незвычайнага», — заявіў Пуцін.

Reuters.com

Такую заяву расійскі прэзідэнт зрабіў па выніках сустрэчы з прэм'ер-міністрам Венгрыі Віктарам Орбанам у Будапешце ў адказ на пытанне аб тым, як Расія паставіцца да магчымых паставак зброі з ЗША ва Украіну.

«Па-другое, я глыбока перакананы ў тым, што хто б і якую б зброю ні пастаўляў, колькасць ахвяр можа, вядома, павялічыцца, але вынік будзе такі ж, як сёння — гэта непазбежна», - дадаў Пуцін.

Раней 17 лютага дарадца прэзідэнта Украіны Пятра Парашэнкі Юрый Бірукоў заявіў, што ўкраінскае міністэрства абароны перадало ЗША спіс неабходнага ўзбраення.

«Амерыканцы не гавораць катэгарычнае не, яны кажуць, што цяпер не прынята рашэнне ў Белым доме, але пакуль яно будзе прымацца — давайце прапрацуем. Таму праца вядзецца. Гаворка ідзе і пра бранятэхніку, і пра ўзбраенне», — растлумачыў ён.

У канцы студзеня, падчас сустрэчы са студэнтамі Нацыянальнага мінеральна-сыравіннага ўніверсітэта «Горны» ў Санкт-Пецярбургу, Пуцін заявіў, што сярод падраздзяленняў Узброеных сіл Украіны ваюе «замежны натаўскі легіён», які мае на мэце, звязанае дасягненнем геапалітычных мэтаў стрымліванне Расіі.

Генеральны сакратар Паўночнаатлантычнага альянсу Енс Столтэнберг назваў заяву аб прысутнасці ва Украіне «легіёна НАТА «нонсэнсам».

0
Anatol Starkou / Адказаць
18.02.2015 / 00:11
Усё толькі пачынаецца, господа присяжные заседатели!
0
дохтур / Адказаць
18.02.2015 / 00:12
Слова ,слова ...... .Где факты ? Пока что фактами являются свежие могилы в российских глубинках и ложь российских СМИ !
0
Яраш - беларуская фамилия. / Адказаць
18.02.2015 / 00:21
давно пора
Паказаць усе каментары/ 12 /
Каб пакінуць каментар, калі ласка, актывуйце JavaScript у наладах свайго браўзеру